المحتوى الرئيسى

الكومفرتزون ضار بالصحة ويؤدي إلى الوفاة

11/14 11:24

قبلما نبدأ كده ايه هو الكومفرت زون“منطقة الراحة“ ؟

منطقة الراحة (Comfort Zone): هي حالة سلوكية يمارسها الشخص بلا توتر أو خطر بسبب اعتياده على ممارستها ضمن إطار روتيني محدد. ينتج عن هذا الروتين تكيّف ذهني يعطي الشخص شعورا غير واقعي بالأمان وفي نفس الوقت يحد من قدرته على التقدم والإبداع.

يعني ايه بالبلدي يا سارة بلاش فذلكة؟ يعني حاجة اتعودت عليها و بقت ضمن روتين يومك و بتعملها بطريقة اتوماتيك كده من كتر ما انت متعود تعملها و ده بيديك احساس راحة إن ده اللي بيريحك . مثال : طريق طويل بتاخده كل يوم بس عارفه حتة حتة ..ييجي واحد صاحبك يوصفلك طريق أسهل و مختصر و حيوصلك في نص الوقت عن الطريق الطويل اللي بتاخدو تلاقيك بتقوله لا ياعم أناعارف الطريق ده و مش ناقص توهان ولا قادر اركز .. اللي أعرفه أحسن من اللي معرفوش .. هو ده بقي بظبط اللي بنعمله في حاجات تانية في حياتنا .. بناخد الحاجة اللي أصلا صعبة و اللي ممكن تكون معطلانا نوصل طريقنا في ميعاده بس بناخد اللي عارفينه .. عشان المجهول دايما مرتبط بخوف و توهان .

الدراسات كتير أكدت أن سبب بقاء الكتير في منطقة الراحة 90% منهم بسبب الخوف !! ايواااالخوف .. الخوف من الفشل ، من التغيير ، النقد ، المجهول ، الجهد المبذول ... الأعجب من كده اللي أكدته الدراسات الحديثة أن 90% من الخوفده .. وهمي !! 

بـيقول فيكتور فرانكل مؤسس العلاج بالمعنى -Logotherapy إن الصحة النفسية تستند إلى درجة من التوتر بين ما أنجزه الفرد بالفعل، وما لا يزال عليه أن ينجزه، فالإنسان لا يحتاج إلى حالة اللاتوتر ولكنه يحتاج أن يعيش هذا الصراع، أن يظل يسعى ويجتهد في سبيل هدف يستحق أن يعيش من أجله."

مثال: بعض الأشخاص يدّعون أنهم غير راضين عن نمط حياتهم أو وضعهم الإقتصادي ويرغبون بالتغيير. لكن في الواقع هم فقط يتحدثون عن هذه الرغبة، ويفضلون الجلوس والتذمر وإلقاء المسؤولية على الآخرين، بدون أخذ زمام مبادرة التغيير. لأن التغيير يحتاج إلى شجاعة وخروج من منطقة الراحة.

وهذا مايفعله الأفراد الناجحون على الجانب الآخر، فهم عادة يخطون خارج منطقة الراحة، ليخوضوا تجربة جديدة رغبة في تحقيق أهدافهم. وبرغم ما يسببه هذا من شعور بالمخاطرة وتعامل مع واقع متغير، إلا أنه يفتح لهم فرصا متجددة وقدرة على المبادرة والنجاح . 

يعني ممكن يكون عندك الرغبة في إنك تغير اللي متعود عليه و مش عارف تغيره ؟ آه

طب حينفع تغيره ولا أنت كده و خلقتك كده؟ ايوه حينفع .. بس لازم انت اللي تقرر .

"إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ"

ازاااي اخرج من الComfort Zone - دائرة الراحة ؟

الإجابة: اعرف أنت خايف من ايه .

التعرف على مخاوفك : لما بنخاف من حاجة بنوجد الأعذار عشان نتجنبها.

اعترافك بحدودك هو بالفعل خطوة مهمة جدًا للخروج من منطقة الراحة.

حاول أن تستكشف بكامل وعيك ايه هيحدود المنطقة المريحة بالنسبة ليك وليه عايز تفضل فيها؟

حاول توسع الدايرة شوية شوية ..دايرة المنطقة المريحة بشكل تدريجي.

متنطش فوق السور فجأة ومتاخدش شاكوش وتبدأ بهدمه و كسره مرة واحدة.

حاول بس تزقه شوية وتوسعه في كل مرة.

استكشف مخاوفك و حط لنفسك أهداف صغيرة لتجاوزها.

بـتخاف من الكلام قدام عدد كبير من الناس و شغلك بيلزمك تعمل ده؟ ابدأ بالكلام مع نفسك قدام المراية والله حتلاقي نفسك صاحبت نفسك و رغيت معاك طول اليوم .. و بعد ماتكلم نفسك جرب تتكلم مع واحد واثنين و بعدين مجموعات صغيرة وهكذا تدريجيا حتى تكسر حاجز الخوف.

(ده عشان اللي عنده روح المخاطرة إن يشوف حاجة جديدة في حياته كان خايف يجربها أو خايف من الفشل فيها .. علي فكرة عمرك ما حتعرف أنت فاشل غير لما تحاول مرة و اتنين و عشرة و طول ما ربنا مديك نفس ..الفشل ممكن يكون نسبي في طريقة ما - في وقت ما.. بس مينفعش تعلق يافطة مغلق أو فاشل أو خلاص - ده اسمه حضرتك مريح في الدايرة و واخدلك تعسيلة و فايتك حاجات حلوة في حياتك عشان أنت أخترت كده . )

Comments

عاجل