مدرب الإسماعيلي للأهلي : عواد باقي .. وإذهبوا بعقده للشيخة المغربية

رد سعفان الصغير مدرب حراس مرمى الإسماعيلي عن الأنباء التي تتحدث حول وجود رغبة من النادي الأهلي في الحصول على خدمات حارس الدراويش محمد عواد.

وقال "الصغير" في تصريحات لقناة "ال تي سي" : "مفيش ثغرات في عقد عواد ، وحتى لو راحوا بعقده للشيخة المغربية هو قاعد في الإسماعيلي مش هيمشي".

وواصل مدرب حراس الإسماعيلي حديثه : "عقد عواد هيخلص في 23 أو 24 وهيجدد بعدها للفريق ، كل الأقاويل دي محصلتش ولا هتحصل لأن رئيس النادي قعدوا معاه وريحوه في كل الجوانب الفنية والمادية".

وأضاف "الصغير" : "ممكن الكلام ده ميكونش طالع من الأهلي ، ممكن يكون طالع عشان يهز نادي الإسماعيلي ، هو إشمعنى النادي الإسماعيلي اللي بيسألوه فيه على عقود اللاعيبة هتنتهى امتى".