5 حاجات لو عملتها هتكبر في عين مراتك - سوبر راجل

Amal Afifi ‏1 ساعة مضت العلاقات اضف تعليق 1 زيارة

حاجات كتير بتفوتك ومش بتبقى عارف أهميتها بالنسبة لمراتك وإزاي هتغير من شكل حياتك ومن تقدير مراتك ليك، ويمكن الحاجات دي هي أكتر الحاجات اللي انت بتعمل عكسها تماماً، عشان كده قررنا نعرفك الحاجات دي بالتفصيل.

دي أول حاجة ويمكن من قبل الجواز وقت ما بتتعرف عليها بتبقى عارف هي طموحها أيه لو بتشتغل بتبقى عارف طبيعة شغلها، لو مش بتشتغل بتفهم هي عايزة تمَشِّي حياتها إزاي وعايزة توصل لأيه في حياتها العملية عشان كده مش من المنطقي أبداً إنك تعترض على شغلها بعد كده أو ماتشجعهاش على هدفها اللي عايزه توصلله، ممكن يكون مقبول الاعتراض في حين إنها قصرت مع بيتها ومعاك ويكون بطريقة كويسه مش زعيق وخناق غير كده مينفعش تقولها كلمة فيها نقد سلبي، لو شجعتها وقدَّرتها هتلاقي معاملة منها في منهى الاحترام، هتلاقيها بتقدرك وبتحاول تسعدك بكل الطرق لإنها حاسه إنك بتخاف على شغلها وهدفها.

انت عارف لو اديتلها جزء من حريتها وسيبتها عادي تخرج زي مانت بتحب وقت ما تكون عايز تنزل لصحابك على القهوة محدش يناقشك معاملتها هتكون عاملة إزاي ليك؟ مش لازم لما تيجي تقولك عايزه أنزل تفتحلها محضر أو تعترض لمجرد الاعتراض، ممكن بمنتهى اللطافة تشوفها عايزة تروح فين ولو الموضوع مش مستاهل اعتراضك مفيش مشكله، أكيد هي كمان نفسها تشوف صحابها فمقيدهاش عشان هينعكس عليك سلباً والله.

انت اه الراجل بس تكرارها على الفاضي والمليان وحش أوي، يعني مينفعش كل حاجه تقولها لأ والسبب إن انا الراجل، أو تحلل حاجات لنفسك وهي مينفعش عشان انت الراجل، لو في تنازلات يبقى تحصل من الطرفين مش منها بس عشان انت الراجل، لو الموضوع مشي بالتفاهم والحب هيكون أفضل.

يا اخي افتحلها باب العربية ولا التاكسي وخليك رومانسي شويه رجع لها الكرسي وهي جاية تقعد على السفرة ولا في أي مطعم، خد رأيها في أمورك في هدومك في أي حاجه شاركها معاك (اعتبرها مراتك)، هات لها وانت راجع من الشغل ورد، شيكولاته، افتكرها بأي حاجه حلوة وانت راجع هتلاقي فرحه غير عادية في البيت والله

أزمة البنات المصرية (ركز! زمان حاجة ودلوقتي حاجة تانية خالص)

الوسوماخبار اخرى راجل سوبر راجل منوعات