السيسي: «بنات الأسرة كانوا بيقولوا ياريت بابانا عمو عبدالفتاح» (فيديو) | المصري اليوم

أشاد الرئيس عبدالفتاح السيسي، بدور المرأة المصرية، في المجتمع المصري، مطالبًا بتغيير ثقافة التعامل مع المرأة، وقال: «إحنا في مصر ثقافتنا حاجبة لدور المرأة ولازم نغير الثقافة دي من خلال المدرسة والتعليم والمسجد والكنيسة، وشئنا أم أبينا فإنها لها دور عظيم في حياة الأمم والمجتمعات».

وقال الرئيس خلال مشاركته بجلسة عن دور المرأة في المجتمع، بمنتدى شباب العالم، إن: «الراجل يعتقد أنه جاب قرشين يبقى عمل كل حاجة، لا والله».

وتحدث عن دور المرأة في ثورة 30 يونيو، وقال: «المرأة المصرية نزلت في يوم التفويض، وقالت سنتحمل التكلفة ونزلوا أزواجهم وأبنائهم وبناتهم في وقت صعب جدا خلال يومين نزلوا 33 مليون، نزلوا في كل حتة في مصر وكل قرية وميدان وقالوا إننا موجودين ومستعدين نواجه الإرهاب».

وطالب الرئيس الشباب بالانحناء أمام السيدات، مضيفا: «الكلام اللي بقوله مش معسول عشان أراضي بيه الناس، انتبهوا يا مصريين لحضارتكم.. أنتم اللي علمتوا الإنسانية، وشكلتوا أساس الحضارة لما تكون المرأة تتقدم لو كنا نقدر دور المرأة ليس تفضلا ولا عطاء ده حقها، لو عايزين نعطي الحق لمن يستحق ويأخذ حقه».

وأشار الرئيس إلى تعامله مع أسرته، قائلا: «كنا بنعيش في منزل أسرة، وبنات البيت كلهم كانوا بيقولوا ياريت بابانا عمو عبدالفتاح، وكنت بعمل ده ليس تفضلا لهم، وحتى ولادي وهما صغيرين لا يمكن الولاد أبقى قاسي جدا معاهم، لكن البنات النبي محمد قال (ترفقوا)، دي استراتيجية تطلع منها عادات وقيم».