رحلة علاج هبة من سرطان القولون.. حكاية «توجع القلب»
روت إحدى مستخدمات موقع التواصل الاجتماعي عبر "فيسبوك" رحلة علاجها الطويلة من مرض "السرطان"، اليوم الجمعة، وكيف تمكنت بفضل مساندة أولادها من تجاوز هذه المحنة.
وكتبت"هبة": "لقيت نفسي خسيت أكثر من سبعة كيلو من وزنى في أقل من شهر، وبعد التحاليل اكتشفت وجود ورم خبيث بالقولون، دخلت المستشفى، وأولادي اتفرقوا عن بعض كل واحد في مكان وكانت أكثر حاجة تعباني، وخصوصا أن ابني الصغير وكان رضيع".
وأضافت: "واكتشفت بعد كده أن الورم خطير والعملية مش هتكون بسيطة، وتوكلت على الله وعملت العملية، وبعد أيام طويلة في العناية المركزة، والحمد لله فوقت ولقيت حاجة غريبة في جنبي الأيمن، واضطروا لاستئصال جزء من القولون والمستقيم والمرارة وعدد من الغدد فى الحوض".
واستكملت: "وبعد معاناه دامت شهور والحمد لله، اخيرًا قدرت اتأقلم على الوضع الجديد لحد ما اخلص علاج الكيماوي وبعدين هعمل العمليه تاني، والدكتور وهو بيحكيلي وبيقولي احنا شيلنا المراره بصتله كده قولتله كان في حاجه بايظه تاني؟".
ورت معاناتها الحقيقية فى العلاج، قائلة: "الآلم والإحساس بالوحدة والوجع ومش شايفة على طول تعبانة، وحالتي النفسية سيئة جدا ومع ذلك كنت أروح الجلسة كنت بشوف في عيون كل اللي موجودين إني لسه صغيرة، وكنت أنا بصبرهم، وروحت قصيت شعري وصممت أتبرع بيه وكل ده مش مهم، المهم إني أخف، وفضلت على الحال ده ٨ شهور والحمد لله، وبعد ما خلصت الكيماوي، الدكتور قالي إني ممكن أعمل العملية التانية وخلاص وبعد كده أكمل العلاج الإشعاعي".
Comments