تعرف على العلاقة بين الأبراج والموسمين الشتوى والصيفى

يطل علينا الشتاء بأمطاره الجميلة، وملابسه المميزة، ورائحة جوه المنعشة مودعين الموسم الصيفى، لنستقبل موسما جديدا نحتفل به ونميزه، ونخرج طاقتنا وإبداعنا، لنجد أنفسنا فى سياق من الجو الرومانتيكى والزهور البراقة، فيتولد بداخلنا الشعور بالحياة وتجديدها.

ويقدم خبير الفلك الدكتور أحمد شاهين العلاقة بين الأبراج والموسمين الشتوى والصيفى:

• برج الحمل.. يصيبه الشتاء بالكآبة

بيحب فصل الصيف لأنه مرتبط عنده بالإجازة، ولأنه كمان بيحب السفر والخروج والسهر مع أصحابه، وعشان كدة فصل الشتاء بالنسباله سجن وتقييد وكآبة فظيعة.

• برج الثور.. الصيف والشتاء عنده واحد

لأنه شخصية روتينية وبيتوتية، مبتحبش الخروج ولا السفر وبتفضل الحياة الأسرية والقاعدة فى البيت، مبيفرقش معاه صيف من شتاء، الاتنين عنده واحد.

• برج الجوزاء.. بيكره الشتاء جدًا

برج الجوزاء من أكثر الأبراج الزهوقة اللي بتحب تسافر وتتنطط وتروح وتيجي، وفصل الشتاء بالنسباله تقييد لإنه بيمنع عنه الحاجات اللي بيحبها وعشان كدة بيكرهه.

• برج السرطان.. لا بيحب الصيف ولا الشتاء

برج السرطان بقى لا بيحب الصيف ولا الشتاء، بيعشق فصل الربيع لإنه بيجمع بين مميزات الفصلين، من ناحية بيقدر يخرج ويستمتع بالمناظر الطبيعية، ومن ناحية تانية مش بيعاني لا من برد ولا من حر.

• برج الأسد.. كائن صيفي

على الرغم من إن برج الأسد بيكره الحر للدرجة اللي ممكن تخلي مزاجه وحش طول الوقت، إلا إنه علاقته بفصل الصيف زي علاقة السمك بالمياه، بيستمتع جدًا بالسهر والخروج والرحلات، وعشان كده بيتخنق جدًا أول ما بيجي الشتاء.

• برج العذراء.. بينه وبين الشتاء عداوة

مواليد برج العذراء شخصيات عملية جدًا، لكنها فى نفس الوقت بتحب تبسط نفسها، المهم إنهم فى الحالتين بيكرهوا الشتاء وبيكتئبوا من الهدوء اللي بيغطي الشوارع والليل اللي بيطول وكل الحاجات اللي مرتبطة بالشتاء دي.

• برج الميزان.. يعشق فصل الشتاء

برج الميزان بقى بيعشق فصل الشتاء، كله على بعضه كده، بجوه البارد وهدوء لياليه ورومانسيته، ده غير طبعًا عشقه للاستجمام والقاعدة قدام الدفاية وهو بيشرب مشروبه الساخن والاستمتاع بالموسيقى الهادئة.

• برج العقرب.. كائن شتوي بحت

لإنه أصلا غامض وبيميل للكآبة، الشتاء بيكون دايمًا هو الفصل المناسب لشخصيات برج العقرب، بتفاصيله وهدوءه والضلمة اللي بتغطي شوارعه، كلها كدة تحسها شبه صفات مواليده.

• برج القوس.. الشتاء بيدمر نفسيته

يعتبر فصل الشتاء هو أسوأ فصول السنة بالنسبة لمواليد برج القوس، وده لإنهم بيحبوا الإنطلاق والسفر والخروج، وعشان كدة هدوء الشتاء بيصيبهم بإحباط وكآبة شديدة.

• برج الجدي.. الشتاء بيطلع الجنان اللي جواه

على الرغم من إن حياته العملية هي أولى اهتماماته، إلا إنه بيحب خروجات الشتاء والجري تحت المطر، من الأخر كده بيخرج طاقة السنة كلها فى الفصل ده.

• برج الدلو.. هو والصيف دونت ميكس

حر الصيف بيخلي برج الدلو يحس بالضيق والكآبة، وعلى الرغم من إنه بيحب الشتاء إلا إن فصل الخريف هو الأفضل بالنسباله على الإطلاق.

• برج الحوت.. بيستمد طاقته فى الشتاء