برج الدلو حظك اليوم السبت 14 أكتوبر 2017..جوافة - دوت مصر

10/14 02:29

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

( الكراش والإكس والبوي والجيرل فريند والجوز والزوجة والقرايب ):

متتخانقش النهاردة ياريت وخليك كوول بزيادة لأن في فرص كتير النهاردة لإنجاز حاجات كتير مهمة سواء على المستوى العاطفي او العملي وخصوصا ان الاتنين ممكن جدا يدعموا بعض وتستفيد انتا ف الاخر من التحالف الجميل دة..اهم حاجة تروق ومتتخانقش ومتخشش مع حد ف جدال مالوش عازة..

( الشغل والمذاكرة والتخطيط لبكرة ):

متخشش ف صراعات جانبية مع ناس كومبارسات ف حياتهم اساسا..مش قيمتك خالص ولا طريقتك ولا اتجاهك بالتالي ياريت متعملش كدة وتخليك اذكى واوعى من كدة وبمراحل..كمان ركز لأنك وراك حاجات اهم من الكلام دة كله اليومين دول..ف ركز كدة وإركز وإنجز اللي وراك وبعد كدة ابقى اتفرغ وافضى للمرازية براحتك

( نفسيا وجسمانيا وكل مايخص طاسة المزاج ):

الجوافة النهاردة هتعدل مزاجك جدا سواء اكلتها او شربتها عصير..كمان ياريت تركز ف الخضار حبة وتفكك من اللحوم..ومتطنش ف النوم ومواعيد النوم..جسمك لازم يرتاح كويس

متوافق مع الابراج البرمائية والترابية

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..