عيادة المغتربين.. الحلقة الخامسة
أنا الأستاذة رباب أخصائية نفسية في إحدى المستشفيات بدولة عربية شقيقة.. وبما إني مصرية فبيتوافد عليا كتير من المصريين طمعا في دردشة أو الفضفضة أكثر منها استشارة طبية.. وطبعا لأننا جميعا مغتربين وقصصنا وشكوانا بتدور في فلك الغربة.. فأنا أسميت عيادتي عيادة المغتربين.
كل مرة هحكي لكوا قصة.. وهخليكوا تشاركوا أصحابها حيرتهم وأوجاعهم.
والنهاردة جايبة لكم حكاية خفيفة ولطيفة
- تاني يا عمر تاني
- اعمل إيه بس يا دكتورة كل أم أنزل مصر أهلي يجيبوا لي عروسة واتنين ولازم أنقي منهم أعمل إيه؟
- يا إبني دي خامس خطوبة وكل مرة نفس الطريقة إيه ما بتتعلمش؟
- طب قولي لي إيه العمل؟ أنا طول السنة مسافر بنزل إجازة شهر بخطب وأسافر، بس المرة دي إن شاء الله تكمل واتجوز الصيف الجاي
- وده على أي أساس
- ما إنت المرة اللي فاتت قولت كده برضة
- يا دكتورة أنا عمري بقى 35 سنة، كل سنة بتعدي من عمرى مش بترجع عايز استقر بقى
- يا عمر افهم.. الجواز مش بنطلون هتشتريه ولا قطر خايف يفوتك.. الجواز استقرار وعشره وتفاهم يقدرو يستوعبوا أي خلاف يحصل أو هيحصل.. لكن يلا بسرعة بسرعة.. دي كويسة لا دي لا دي.. ما ينفعش.. وحكاية شهر واجري مش كفاية عشان تاخد فيها قرار تبني عليه حياتك ومستقبلك
- ما أخويا اتجوز كده و كتير من صحابي المسافرين وعايشين كويس
- ده استثناء مش قاعدة، والدليل أهو دي خامس خطوبة ليك ولحد دلوقتي ما انتاش عارف إنت عايز إيه؟
- مش فارق كلهم زي بعض، كلهم عايزين العريس الغني اللي عايش في الخليج يكبش ويديهم، عايزين الشقة والعربية والفرح والفستان، محدش بيفكر في بنى آدم نفسه ولا حد بيتخيل إننا هنا بنعيش فقرا، وإن الخليج مبقاش الأملة.. وإننا في أي لحظة ممكن نرجع بلدنا حتى من غير حقوقن
Comments