وجبات دايت بالمكونات 2. - سوبر راجل

Amal Afifi ‏3 دقائق مضت الاكل اضف تعليق 5 زيارة

زي ما قولنا قبل كده الموضوع مش موضوع حرمان الفكرة إنك هتاكل أكل عادي جدًا بس صحي مش أكتر وفيه كل حاجه بتحبها، مش هتتحرم من حاجة، تعالى تكمل باقى وجبات الدايت اللي هتساعدك تكمل دايت من غير ملل.

وجبة منقذة، غنية بالبروتين، ممتازة بعد التمارين غير إنها وجبة عشا مثالية.

صدور الدجاج اختار تتبيلة من دول:

أهم خطوة في نجاح الوصفه دي مدة التسوية لإن الصدر لو سبته على النار اكتر من اللازم هيفقد طراوته.

لو بتستخدم شرائح صدر رفيعه ماتستخدمش المقلايه غير ٣دقائق أول وجه والتاني دقيقتين. لو الصدر كامل سميك زي الصورة هيحتاج أول وجه ٧ دقايق والتاني نفس الوضع ٧ دقائق.

إزاي تعرف استوى كويس ولا لا؟ دخّل السكّينه في النص لو طلع عصارة شفافه يبقى استوى ومازال محتفظ بعصارته ولو تيبس السطح يعني انت زودت وقت النضج.

الطبق الجانبي: شوفان مطبوخ بمياه وبهارت.

موز + زبده فول سوداني تسخنهم في الميكرويف وشوية مكسرات مطحونه.

موزتين صغار مقسومين بالنص تقريبًا سعراتهم نفس سعرات الموزة الكبيرة.

شرائح فليه / ليمون /بهارات السمك/ كمون / فلفل حار / ملح / فلفل ألوان / بصل شرائح.

في صينيه هتحط الفيليه وشرائح الفلفل والبصل، في الخلاط حط الثوم والبهارات والكمون والملح والفلفل الحار والليمون وبعدها صبُّهم على السمك والخضار وقلِّب الكل مع التتبيله وتغطي الصينيه وتدخل الفرن لمدة تلت ساعة.

اسلق القرنبيط لمدة ربع ساعة.

جهز التتبيله الخارجيه : 3 بيضات، نص كوباية دقيق، أربع فصوص ثوم مفرومين ناعم، ملعقه كبيرة كمون، ملعقه صغيرة ملح، رشة فلفل اسود، بقدونس وكزبرة مفرومين.

بعد ما يتسلق القرنبيط يُبهر بالكمون والملح وبعدين تصفيه وتسيبه لحد ما يبرد وبعدها تحطه في التتبيله وتقليه في الزيت.