معاناة برشلونة تستمر ..دمبيلي خارج الخدمة لمدة 4 أشهر - سوبر راجل

Ibrahim Hamza ‏10 دقائق مضت BuzzRamet اضف تعليق 1 زيارة

أعلن برشلونة الإسباني عن إصابة لاعبه الفرنسي عثمان ديمبيلي بتمزق في وتر العضلة الخلفية بالفخد الأيسر، وهيعمل عملية جراحية في فنلندا الأسبوع ده.

وقال النادي عبر الموقع الرسمي أمبارح أن الوافد الجديد للنادي الصيف ده هيبعد عن الملاعب لمدة تتراوح بين ثلاثة إلى أربعة أشهر.

وبالتالي مش هيشارك صاحب الـ20 عامًا مع الفريق الكتالوني حتى نهاية عام 2017، هيرجع مع بداية العام المقبل 2018.

وكان ديمبيلي تعرض للإصابة أمام خيتافي في الدقيقة 25 ، بالمباراة التي انتهت لصالح برشلونة (2-1) بالجولة الرابعة من الدوري الإسباني.

و الظاهر أن برشلونة هيعاني الفترة اللي جاية معاناة كبيرة بسبب إصابة ديمبلي لأنه في الأساس كان جي عشان يسد المشكلة اللي تسبب فيها رحيل نيمار و اللي ظهرت بشكل كبير في مباراة الريال في السوبر الأسباني و ده ظهر بشكل أكبر بعد خروج ديمبلي و برشلونة مكانش قادر ينهي الهجمة بشكل كويس أمام فريق خيتافي اللي هو مش بالقوة االلي تمنع برشلونة أنها تجيب أجوان ولولا المهارات و القدرات الفردية للعيبة زي ميسي و دينيس سواريز كان ممكن برشلونة تخسر الماتش

وعشان كدة لازم برشلونة و إدارتها توجد حلول جذرية قبل ما يحصل كارثة و نشوف البرسا بتنهي الموسم في المركز التالت او الرابع و ممكن جدا بالمنظر ده تخرج من بطولة دورى أبطال أوروبا

وخلينا نتكلم علي ميسي اللي شايل الفريق علي كتفه في ظل أداء سواريز السيئ و تقدم سن أنيستا و أن مفيش حد يساعده في الفريق وهو كلاعب بيتحدي نفسه و يتحدي المنطق بصوا علي تعبيرات وشه مع كل كورة بتضيع و مع كل هدف بيجي هتعرفوا قد أيه هو مضغوط و الأخبار اللي بتقول أنه ممكن يمشي معتقدتش أنه هيعمل كدة لأنه لو كان عايز يمشي كان مشي في الوقت اللي محدش كان يقدر يلومه فيه

معاناة برشلونة مش بس في اللعيبة لأ في الأدارة اللي بيتهمها البعض أنها السبب في كل دة لأنهم مقدروش يدعموا الفريق بأي لاعيبة تقدر تدعم الفريق وقت الحاجة و ده اللي مخلي برشلونة دلوقتي معندهاش دكة تسعفها لما أي لاعب يتصاب

فأنت لو مشجع للبرسا مقدمكش غير أنك تدعي لبرشلونة و تدعي علي إدارته

الطريق الأمثل لتحسين تصنيف مصر قبل قرعة المونديال