برج الحوت حظك اليوم السبت 16 سبتمبر 2017..خطر على الكوكب - دوت مصر

تعرف على حظك اليوم ل برج الحوت مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

باين جدا انك بتخطط لحاجة مابينك وبين نفسك..أي نعم انتا حاسس ف الظاهر ف القشرة الخارجية بتاعة عقلك الواعي انك غلبان ومستكين ومسكين إلا انك ف عقلك الباطن بتخطط لحاجة ممكن تكون خير عليك وشر على العالم..عموما مسير كل حاجة تبان ونعرف انتا خطر النهاردة على الكوكب ولا غلبان وملكش ف الشر اساسا بس شكلك كدة..هنشوف..اليوم لسة طويل

النهاردة يوم مناسب جدا للتفكير ف مستقبلك..ومش مناسب للزيارات العائلية ولا للخروج ولا لأي حاجة ممكن يطلبها منك اي حد..وحتى لو مش هتفكر ف مستقبلك اعتبر انك بقى عندك حجة قوية تمنعك من الخروج ومقنعة لأي حد خصوصا لما تقوله الجملة بهدوء وانتا مسهم كدة وباصص ف السما.."مش هينفع اخرج معاكوا عشان بفكر ف مستقبلي"..

صحيا انتا محتاج تعمل دايت لحتت ف جسمك وحتت لأ..ودي مشكلة بتواجه الانسان منذ قديم الازل اساسا مش انتا لوحدك..الانسان للأسف لسة مخترعش دايت عادل لأجزاء الجسم كلها..

متوافق مع الابراج السنجابية والجوزائية ( طالما هتعزمك على خروجة غالية ف مكان حلو ).

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..