المحتوى الرئيسى

إزاي تتعامل مع الخوف والقلق؟ - سوبر راجل

09/13 12:43

Amal Afifi ‏8 دقائق مضت BuzzRamet اضف تعليق 5 زيارة

الخوف سلاح ذو حدّين ممكن يوصلك لنجاح متتوقعوش لو بنسبة معقولة وممكن ينزلك سابع أرض، عشان كده لو عندك قلق أو خايف من حاجه فانت قدامك أكتر من option:

ــ اسأل نفسك هل انت عملت حاجه زيها قبل كده؟ دخلت انترفيو واتقبلت؟ آه بس student activity مش شغل كبير زي ده؟ مش مهم طالما الفكره موجودة انك جربت الموقف قبل كده ومريت به وقدرت تعدي منه يبقى متوقفش نفسك.

لومعملتش زيها اسأل حد عمل نفس التجربه قبلك، يعني تسأله هو انت اتقبلت ازاي؟ طيب ايه نوع الأسئله؟ والموضوع سهل ولا صعب؟ عشان يكون عندك فكرة ومتتفاجئش بحاجه في الانترفيو.

ــ بعد ما تسأل اتعلم تعمل الحاجه دي، الغي من قاموسك كلمة أنا مبعرفش، أي حاجه هتتعلمها هتعرفها ومش شرط تكون على علم بتفاصيلها 100% أو تعرف تعملها على أكمل وجه بس على الأقل هتعرف تعمل البدايات، فدور على طريقة تتعلم بيها فتبقى متطمن وعارف انك هتقدر تخوض التجربة وهتقدر تتصرف وتتعامل لإنك عندك علم كافِ بالموضوع.

ــ حط في بالك إنك مش هتخسر كل حاجة لو جربت لكن هتخسر كتير لو ماخوضتش التجربة، انت لو روحت الانترفيو واترفضت العالم مش هيتدمر، لو فتحت business وخسر وفلوسك راحت الدنيا منتهتش، كل اللي نجحوا بنوا business وفشلوا واتنصب عليهم ووقعوا مره واتنين وتلاته وقاموا وكملوا، اعرف إن فشلك هو جزء أساسي من نجاحك فلازم تتقبله عشان تكمل وتوصل.

انت مانتهتش لكن لو مجربتش تعمل الحاجه بسبب خوفك فانت كده نهيت نفسك من قبل ما تبتدي وهتعيش طول عمرك بالندم والاكتئاب لإنك معملتش حاجه وهتبدأ سلسلة ( كان زماني ) كان زماني قدمت، كان زماني اشتغلت، كان زماني معايا فلوس، كان زماني ناجح، كان زماني، كان زماني، كان زماني ……..

ــ خوفك الزايد من إنك تفشل هيمنعك من التجربة فهتفشل برضو فالتجربة وانت عندك احتمالية إنك تفشل أو تنجح أحسن مليون مرّه من إنك تختار الفشل من غير ماتتحرك ولا خطوة.

الوسوماخبار اخرى راجل سوبر راجل منوعات

أهم أخبار منوعات

Comments

عاجل