«المشاغبة» تقتحم استديو «LTC» على خالد الغندور.. وتظهر ببث مباشر على الهواء.. فيديو

اقتحمت شيماء جمال مذيعة قناة «LTC» الاستديو على الكابتن خالد الغندور، بعد رفض القائمون على القناة دخولها لتقديم برنامجها «المشاغبة» التى تقدّمه على نفس القناة، مما جعلها تصرخ داخل الاستديو وتصوّر بثاً مباشراً عبر موقع التواصل الاجتماعي «فيس بوك».

وانفعلت «شيماء» قائلة: «عايز يمد إيده عليّا ويقولي تعالي أفرجك فيه ايه، تعالوا شوفوا، فين نقيب الإعلاميين عشان ييجي يشوف فيه إيه وأنا بتصل بيه مابيردش، وأنا مش مجنونة وأنا متهجمتش على حد، وأنا جاية ومعايا "عقدي"، والنقيب هو اللي بعتني وقالي روحي قدمي برنامجك، وانتوا اللي اتهجمتوا عليّا وعايزين تحبسوني، وأنا عايزة دلوقتي الجهات القانونية تاخدلي حقي لأن أستاذ خالد غنيم، المدير التنفيذي للقناة هددني تهديد مباشر أمام كل الموجودين، وأنا متأسفة للكابتن خالد الغندور لأنه شخص محترم وترك الاستديو عقب دخولي، ولكن أفعال المدير التنفيذي للقناة أثارت غضبي".