مواطن يقترح طريقة مبتكرة لحماية الأطفال من الخطف في الأماكن المزدحمة

قدم أحد نشطاء موقع التواصل الاجتماعي "فيسبوك"على صفحته الشخصية، اليوم الثلاثاء، فكرة لمنع خطف الأطفال من المولات التجارية.

اقترح إسلام ماهر عبر موقع "فيسبوك" فكرة عمل أساور مرقمة لكل طفل وأب يدخلان مولا تجاريا وعدم السماح للطفل بالخروج من مخارج المول إلا بتطابق رقم أسورته برقم أسورة الأب، لضمان الحفاظ على الأطفال من ظاهرة الخطف المنتشرة.

وكتب إسلام: "كل ما بادخل مول في أي يوم خصوصًا في الويك إند والزحمة اللي بتبقى فيه، بتخيل دايمًا لو قاسم لا قدر الله تاه مني وسط الزحمة دي خصوصا بعد ما بدأ يمشي ويسرح مع نفسه أو اتخطف هيبقى صعب إني ألحق أبلغ باختفائه، خصوصًا مع كمية المخارج الكبيرة اللي موجودة في أي مول".

وأضاف ماهر: "جاتلي فكرة بسيطة كفيلة بإنهاء مأساة الخطف في الأماكن المزدحمة دي، والفكرة دي جاتلي من الأساور اللي بتتوزع عليك لما تروح أي فندق وبتطالب بارتدائها مدة إقامتك لتمييز نوع إقامتك إذا كانت  full board or half boar، فببساطة أي مول يقدر يوفر الأساور دي بحيث يبقى عليها أرقام مسلسلة، وليكن ٥ أرقام، لما أدخل أنا وابني كل واحد يلبس واحدة عليها نفس الرقم، وفي أثناء خروج أي طفل مع شخص ما لازم أمن البوابات يوقفهم ويتأكد إن الأرقام متطابقة، ولو حصل إن مامته مش لابسة الأسورة وحبت تطلع بيه تتمنع لغاية ما باباه ييجي ويتأكدوا أنهم مع بعض".