سعفان الصغير : "لأول مرة في حياتي أشوف الإسماعيلي بيتأخر بهدفين ويكسب"

أعرب سعفان الصغير مدرب حراس مرمى نادي الإسماعيلي عن سعادته الكبيرة بالفوز المثير الذي حققه الدراويش على الاتحاد السكندري بأربعة أهداف مقابل هدفين في الجولة الأولى من الدوري المصري.

وقال "الصغير" في تصريحات لبرنامج "الغندور والجمهور" : "لأول مرة في حياتي أشوف الإسماعيلي بيكون خسران 2-0 ويقلب الماتش 4-2 لصالحه ، دي من المرات القليلة جداً بقالي 11 سنة مشوفتش كده".

وواصل مدرب حراس الإسماعيلي حديثه : "كنا بنتلغب 1-0 ومبنقدرش نعوض ، بنعوض ساعات بس مش زي النتيجة الكبيرة دي وكنت بقول يارب نتعادل على الأقل".

وأضاف "الصغير" : "جول الإسماعيلي الأول قبل نهاية الشوط الأول ساهم في عودة الدراويش مرة أخرى للمباراة وده اللي فرق معانا وادى حماس للفريق".