سؤال «وظيفتك كانت إيه في الإذاعة المدرسية؟».. ومعلقون: «أنا تخصص هل تعلم»

وجَّه أحد أعضاء جروب "جت في السوستة" على موقع التواصل الاجتماعي "فيسبوك"، سؤالًا لباقي أعضاء الجروب الذي يضم أكثر من مليون وسبعمائة ألف عضو من الرجال فقط، "وظيفتك إيه في الإذاعة المدرسية ؟".

"إذاعة القرآن"، "مقدم الإذاعة" ، "هل تعلم ؟"، "الأخبار والكلمة".. تلك وظائف الإذاعة الأكثر إجابة من أعضاء الجروب، بتفاعل أكثر من 3000 عضو على هذا المنشور.

ورغم زيادة التفاعل على هذا السؤال والجواب عليه، إلا أن بعض الأعضاء هاجموا مينا ظريف، كاتب المنشور، متعجبين من موافقة "أدمن" الجروب على هذا العبث، حسب وصفهم.

وقال "علاء محمد": "هو ليه كل المواضيع بقت هبلة وعبيطة.. والله كلمة حق الجروب بقى فى النازل ولو فضلتوا بموضعكم التافه دى الجروب هيقع خالص وبسرعة جدًا ياريت تفلترو موضعكم فى مشاكل وحجات مهمة أحق انها تنزل بصراحة".

كما قال "أحمد عيسى": "والله لو كل المنشورات في الجروب هتكون بالشكل ده يبقي كلنا نعمل مغادره مش هو ده الهدف اللي عشانه اتعمل الجروب اللي بيحصل ده لعب عيال وفين المسؤولين عن الصفحة".