ألوان الوطن| «go a head take experience» نشاط لتأهيل الخريجين للعمل: محتاجين الدعم

وجود فجوة بين الدراسة والواقع والحياة العملية ومعاناة الطلاب بعد التخرج داخل متاهات سوق العمل بدون خبرة، دفع أحمد سليمان ومجموعة من أصدقائه إلى تدشين نشاط طلابي خاص بهم بعنوان "go a head take experience" لمساعدة الخريجين.

هدف النشاط الذي انطلق منذ 3 سنوات في جامعة الأزهر، هو تأهيل الطلاب لسوق العمل لسد الفجوة بين الدراسة والحياة العملية، حيث يعتمد على توفير كورسات وتدريب صيفي للطلبة في الشركات مجانًا التي يتم التعاقد معها "إحنا بنقدر كمان نوفر شرح للطلاب أونلاين للبرامج الهندسية وبنوفر لهم زيارات للمصانع والشركات يوم أو يومين بيشوفوا فيها الدورة الخاصة بالعمل في المصنع"، بحسب أحمد.

انطلقت الفكرة على يد المهندس أحمد الشوربجي منذ عام 2007 في جامعة القاهرة، لتمتد إلى جامعة الأزهر منذ عامان على يد المهندس ممدوح ياسر، "احنا طلبة ومش بس إحنا لا إحنا نوسع الدايرة ونفيد كل الناس عشان نوصل فعلًا بالمهارات وكل اللي بنقدمه لسوق العمل".

وفر أحمد مع أفراد نشاطه الطلابي تدريب صيفي لأكتر من 4 الآف طالب في كل أقسام هندسة، وعدد أحمد خدمات نشاطه "قدرنا نوفر أكتر من ايفنت ناجحين عن كتابة الـCV وProject management وpersonal branding وغيره من المؤهلات اللي الطلبة محتاجاها عشان تقدر تتآقلم مع سوق العمل بره".

لم يقتصر التدريب وخدمات النشاط على طلبة كلية هندسة فقط، وإنما امتد خارجها "إحنا بنعمل تدريب لكليات الهندسة في التيكنيكال والسوفت سكيلس أما خارج كلية هندسة بيكون (non technical، بيكون تدريب علي soft skills بس".