المحتوى الرئيسى

معتز عبد الفتاح: الحكومة في حاجة لمراجعة الذات في خدمة المواطنين

08/21 02:38

قال الدكتور معتز عبد الفتاح، أستاذ العلوم السياسية بجامعة القاهرة، إن هناك استثمارات قيمتها 45 مليار جنيه في مشروعات قائمة وجار استكمالها، مضيفا: «العجلة بدأت تدور، لكن في حالة من استغضاب المصريين من قِبل المسئولين، حالة استدعاء للغضب، بسبب حاجات المفروض يعملوها ومش بيعملوها».

أضاف عبد الفتاح، خلال تقديمه برنامج «حلقة الوصل»، عبر فضائية «أون لايف»، أمس الأحد، «رئيس الوزراء مش بيجتمع بوزراء اللي بيتعلق بيهم مشاكل المواطنين المتعلقة بحياتهم اليومية، لأنه مش حاسس بده، لو نزل يطلع رخصة بنفسه هيحس، لكن هو مش هينزل وهيكلم وزير الداخلية يخلصله الموضوع».

تابع أستاذ العلوم السياسية، «ما المسئولين يشتغلوا 3 شيفتات ويوفروا للناس خدمة أفضل زي ما بيحصل في المشاريع الجديدة، ليه الشهر العقاري مثلًا يقفل؟ ما يفضل مفتوح على طول إيه المشكلة؟ ليه تطلعوا عين الناس؟ ما تدفعهم فلوس أكتر مقابل توفير خدمة أفضل.

استكمل: «جالنا 15 مليون طفل من 2011 لدلوقت، وفرنا كام فرصة عمل بقى؟ بلاش نضحك على نفسنا، الدولة محتاجة وقفة مع الذات، معرفش ليه في ملفات لم تُفتح حتى الآن، وعدم فتحها هيخلي الإنجاز مش باين، في إنجازات في عدد من الملفات، وعايزين الناس تحس بالإنجازات بقى».

أهم أخبار متابعات

Comments

عاجل