"إفيهات" مدحت شلبي في "الكلاسيكو": "اوعى التانك يا بنزيما"

خاض المعلق مدحت شلبي الذي اعتاد منه الجمهور على تعليقاته المضحكة في المباريات المحلية، الجزء الثاني من تحدٍ مختلف، مساء أمس، بعد حصول قناة "أون سبورت" على حقوق بث مباراة الكلاسيكو بين برشلونة وريال مدريد في ذهاب السوبر الإسباني، ليعلق عليها لأول مرة في تاريخه في الذهاب، قبل أن يعود اليوم ليعلق مرة ثانية في الإياب.

وانتهى الشوط الثاني والمباراة بفوز ريال مدريد على برشلونة بهدفين مقابل لا شيء، ولم يحرم شلبي جمهوره من "إفيهات" جديدة، التي سرعان ما أصبحت مادة لـ"الكوميكس" على موقع التواصل الاجتماعي "فيسبوك".

وترصد "الوطن" أبرز تعليقات "شلبي" في كلاسيكو إياب السوبر الإسباني:

- مشوفتش حلاوة غير من الريال، وبعد مرور فتاة على الشاشة قال "غير الحلاوة دي طبعًا".

- إحنا بنتفرج علي السيرك القومي.. بس بدل ما تدخل محاسن الحلو.. دخل بنزيما الحلو.

- كل عاااااام وأنتم بخييييير.

- اوعى التااااانك يا بنزيما.. محدش هيمون هنا.

- بيكيه لازم يقعد في حمام سونة 3 أيام باللي بيحصل فيه ده.

- بنزيمة يا نهااار أبيض.

- بيكيه عايز ينسى اللي فات وينسى الذكريات.

- الأطراف بتاعت برشلونة شوارع شوارع.

- تير شتيجن طلع ونزل جوه الشبكة.

- وهوبااااا يا ساتر يا ساااتر.

- يا سلام ع اللمسة وحنيتها.

- اللاعيب هو اللاعيب ملياردير بقى ولا مش ملياردير.

- ميسي شتم راموس بالإسباني.

- أول مأمورية لفرفيردي في كلاسيكو الأرض.. جاب برشلونة الأرض.