بعد فوز الأهلى بالكأس - الغندور : "مفيش يا ولاد المحظوظة .. مجلس ولاعبى الزمالك لازم يتعلموا"

تحدث خالد الغندور قائد نادي الزمالك الأسبق عن فوز الأهلى الصعب ببطولة كأس مصر على حساب المصري البورسعيدي في الوقت الإضافي الثاني بنتيجة 2-1.

وقال "الغندور" في برنامجه "الغندور والجمهور" : "دراما مش طبيعية ، ويقولك على الأهلى يا ولاد المحظوظة ، مفيش يا ولاد المحظوظة الحظ والتوفيق بيجي للمجتهد".

وواصل قائد الزمالك الأسبق حديثه : "أنا عايز أقوم أصفق للأهلى ولاعبيته وبرضه المصري ولاعبيته ، وفي النهاية في اخر وقت من الشوط الرابع الأهلى بيتعادل واخر ثانية في الوقت الضايع الأهلى بيفوز وميروحش لركلات الترجيح".

وأضاف "الغندور" : "الحكم كان أكثر من رائع ، والأهداف كلها كانت شرعية ومفيش حاجة تقول أن الحكم أثر في نتيجة المباراة ، الأهلى هو الأكثر إضاعة للفرص والمصري تقريبا مضيعش ولا فرصة".