دليل سوبر راجل لمواجهة سامية - سوبر راجل
Nermein Qenawy 7 دقائق مضت العلاقات اضف تعليق 7 زيارة
“محمود إنت عارف إني بحبك بس لما عرفت إنك مش برج الحوت قلقت و خوفت!
خد دبلتك أهي، أتمنى إنك في يوم تلاقي واحدة تحبها و تتوافق معاها، ممكن تكون برج الميزان”
الأبراج واكلة دماغ خطيبتك و ليل نهار بتحلل مواقفك على أساس إنك حمل ولا ثور؟ ماتقلقش إنت مش لوحدك.
هو حل واحد اللي بنلجأله في المواقف دي: دليل سوبر راجل لمواجهة كائنات (السامية)
الخطة أ: وسع صدرك على أد ماتقدر.. وسعته؟ وسعه تاني
البنت بتحتاج إنك تصبر عليها عشان تفهم الأول هي عايزة إيه و تساعدها تفهم نفسها لأنها في الأغلب بتكون 5 شخصيات جوة بعض
و بتقعد تقرأ الصفات بتاعت برجها و أيراج الناس حتى عم عبده بتسأله على تاريخ ميلاده لمجرد إنها تشبع فضولها في معرفة نفسها و مفيش مانع من تحليل الناس في سكتها
إنت بقى دورك تطلع أكتر شخصية عاجباك من الخمسة و تخليها تثبت عليها، دي مهمة مستحيلة هتقيس بيها صبرك و هتفيدك في حياتك بعد كده “وعم عبده ذنبه إيه بس يا سامية؟”
الخطة ب: العين بالعين و السن بالسن و البادي أظلم
لو الصبر ماجابش نتيجة يبقى تحاربها بنفس طريقتها يعني لو قالتلك كفاية إني مستحملاك و إنت ثور قولها و أنا إيه اللي يخليني
أصبر على جوزاء زيِك، كل لما تشوفها منكدة عليك قولها صدق اللي قال الجوزاء مالهاش أمان
أول ماتبدأ موجة العياط و الرغي في نفس الوقت اقلب الترابيزة و إهري في أي كلام عن مشاهير الحمل في الصين و أد إيه الدنيا ظالماهم.. هتنسى هي كانت بتقول إيه. إمسك موبايلك كتيير لحد ماتزهق و تسألك ليه مش قاعد معايا قولها بعرف أكتر عن صفاتك يا حياتي و مع التكرار هي هتكره الأبراج على حظك اليوم بس ماتأفورش عشان ماتكرهكش إنت شخصيا.
الخطة ج: البرطمان السحري “من يسكن البلاعات و تخاف منه البنات”
كل اللي فات كوم و السلاح ده كوم تاني، مش هتعمل حاجة غير إنك تجيب صرصار و تحطه في برطمان صغير كده خليه معاك دايما مع مفاتيحك و مجرد ماتسمع حرف ال ب أو ر أو ج قولها خدي ده هدية و استمتع بقى… هااا طار حرف ال ب في ثانية.
إزاي تسعد حبيبتك في 5 خطوات
Comments