إزاى تكسبى حب حماتك.. «متخليهاش تغير منك»

اعتادت أن تكون العلاقة بين أغلب الزوجات والحماوات سلبية، وتخاف كثير من الفتيات من الإقبال على الزواج، ويكون سبب من الأسباب هو الخوف من "الحما"، ولكن كيف تكسب الزوجة حب حماتها، وهي معادلة صعبة تفك شفرتها ياسمين فارس مدربة التنمية البشرية.

وتقول باسمين: "للأسف الشديد كلنا فى مجتمعاتنا العربية وخصوصا فى مصر، عقيدتنا نمت على برمجة كره الحما، ودليل ذلك الأمثال الشعبية مثل الحما عمى، والأفلام اللي علمتنا نكره حماتنا من قبل ما نعرفهم زي الحموات الفاتنات، وحماتى قنبلة ذرية، وغيره..مع ان فى الاصل الحما هى الأم..ام هتبقى حماة العروسة والعكس صحيح".

ونصحت ياسمين، البنات:"غيرى برمجتك اتجاه فكرة الحما من الان، واسألى نفسك يعنى ايه حما بالنسبة لى.. وأبداى غيرى فكرتك اتجاهها يعنى لو لاقيتى عقلك بيقول (الحما دى هتطلع عينى ) صلحى لعقلك المعلومة وقوليله الحما دى أمى التانية.. لازم أتقى ربنا فيها ولو صعبة شوية أعتبرها امى وادعى ربنا يهديها علية واهاديها زى وصية النبى محمد صل الله عليه وسلم، تهادوا تحابوا، وإياكي تحسسيها بشكل او بأخر أن ابنها أصبح بعيد عنها".