قراء "الوطن" عن "ماذا تفعل إذا كانت نهاية العالم قريبة؟": هتجوز دلوقتي

تفاعل قراء بوابة "الوطن" الإلكترونية مع ما نشرعبر صفحتها على "فيس بوك" بشأن التساؤل عن ماذا تفعل لو كانت نهاية العالم بعد أيام قليلة وجاءت التعليقات متباينه فيما بينهم.

كتب موسى عامر: "مينفعش تبقى نهاية مصر بس"، وعلقت ريم كريم: "هروح لكل حد غلط في حقي وأقوله مسمحاك وأي حد قولت في حقه كلمه وحشة هقولوا سامحني، وصلة الرحم هوصلها غصب عنهم هدعي ربنا يغفر لي ذنوبي وأتوب توبة نصوحة وهتصدق بآخر مليم في جيبي، هقول لأبويا وأمي يدعولي كتير أوي".

وكتب ساخرا صلاح محمد: "هتجوز دلوقتي وكمان هأكل مانجو"، بينما كتب محمد قائلا: "هلف على كل إنسان شاكك اني مزعله وأصالحه وهسامح أي حد ظلمني وبعد معمل ده هعتكف في مكان أكلم فيه ربنا في كل حاجه عملتها في حياتي لحد يوم النهاية".

وكتب عاطف جمال:ماينفعش اصلا لان ربنامعرفنا ان فى علامات ليوم القيامه ولسه العلامات دى ماظهرتش

وكتبت صابرين محمد: "الاستغفار والصلاة والقرآن والنهاية مش هتفرق خالص، المهم رضا ربنا علينا اللهم حسن الخاتمة يارب اللهم لا تقبض روحي إلا وأنت راض عني".

وعلق محمد علي، قائلا: "مفيش حاجة اسمها نهاية العالم إلا بأمر من الله وذلك بعد حدوث علامات القيامة الكبرى"