علاقات ـ (إحمي نفسك) الزوجة البـاردة كــارثة ليك ولبـيـتـك ـ إزاي تتعامل معاها بهـدوء؟ - سوبر راجل

Amal Afifi ‏أسبوعين مضت العلاقات اضف تعليق 160 زيارة

إن الزوجة تكون باردة ده شئ قاتل بالنسبة لزوجها لأنها بتسبب له يأس، بتخليه يحس بغضب وخيبة أمل وبتدمر البيت تدريجيًأ من غير ما تحس (ماهي باردة بقى)، كمان بتخلي الزوج يحس إنه فقد شئ كبير في حياته وده طبعًا هيأثر على علاقتهم والمشاركة والعاطفة المتبادلة بينهم، غير إنها بتسبب مشاكل فى بيتها كتـيـــر، هي كمان بتزود خلافاتهم مع أهلهم لإن طبيعي أهل الزوج مش عايزين زوجة ابنهم تكون باردة ومش مقدرة تعبه ولا بتساعده.

فكر مع نفسك شوف أيه اللي غير زوجتك دور على الأسباب، فكر إزاي هتغيرها وخطواتك هتكون أيه وطريقتك هتكون إزاي عشان توصل لهدفك الأساسي إنك تبعد عنها الصفة دي لإنها صفة صعبة ومزعجة ولو محلتهاش مشاكلكم هتكبر وهتزيد، غير إن البرود هيأذيها ويأذيك ويأذي الناس اللي حواليكوا.

مش معنى إنكم متجوزين بقالكوا سنين كتيـــر إنك تتراجع. علاقتكم لازم تكون في تقدم مستمر ودائم، متخافش من إنك تواجه زوجتك وتتناقش معاها بطريقة دبلوماسية وحضارية وتنصحها بتغيير العادة دي وتحويل الكسل والبرود للحماس والنشاط، المناقشة والاحترام من أروع الطرق للوصول لحلول مناسبة.

فى كل مرة زوجتك تعمل حاجة ولو بسيطة في البيت اشكرها وحمسها وقول لها كلام حلو عشان يزيد من حماسها وقدرتها إنها تكمل باقي مهامها ومساعدتها ليك، التشجيع مهم جدًا. إنت بعد يوم طويل فى الشغل بترجع هلكــــــان وتعبان فلو زوجتك بالبرود والكسل ده هتزيد من تعبك وهمك وإنت مش ناقص، عشان كده لازم تتبع سياسة الدعم المعنوي ليها مع كل حاجه هي بتعملها حتى لو صغيرة.

أكبر غلطة ممكن تقع فيها إنك تتعصب على الزوجة بسبب إن هي كسوله أو مش بتساعدك في شغل البيت، هو فعلًا شئ مزعج جدًا لكن لازم تتعامل معاه بعقلانية أكتر وتتخلص من غضبك وعصبيتك وتسيطر على نفسك عشان ميصدرش منك أي إساءة لزوجتك والمشكلة تزيد والبرود كمان يزيد لإنها مش هتتحمل غضبك وعصبيتك.

“زوجتك مهما اتغيرت للأسوأ تقدر بذكاء ودبلوماسية ترجعها تاني، حتى لو الصفة دي فيها من زمان بذكائك تقدر”

8 حاجات تبعد عنها في خروجتك مع بنت.

الوسوماخبار اخرى راجل سوبر راجل منوعات