المحتوى الرئيسى

حظك اليوم برج الأسد الجمعة 14 يوليو 2017..سيب الناس تحبك

07/14 03:11

تعرف على حظك اليوم لبرج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

مش لازم الناس تحتاجك عشان تحس انك مهم..انتا مهم ف قلوبهم اساسا ومش محتاج حد يحتاجك ولا تحتاج حد..حالة الاحتياج دي مش اساس لعلاقة مستقرة ابدا..حب الناس وسيبهم يحبوك بدون تأكيد على مسألة الاحتياج دي ياريت

مترهقش نفسك النهاردة وحاول تريح من الشغل والتفكير ف الشغل ومرازية الشغل..النهاردة المفروض اجازة

دلع نفسك النهاردة ف بيتزا او ايس كريم او الاتنين مع بعض..اعتبر دة مكافأة على اسبوع عدى وراح واستعداد لأسبوع أجمل وأروق وأنجح

متوافق مع الابراج النارية بشكل كويس وماشي حاله

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

أهم أخبار مصر

Comments

عاجل