المحتوى الرئيسى

حظك اليوم السبت 8-7-2017 مع عبدالله أحمد..الحوت..مثاليتك تنفع ساندوتش

07/08 01:58

إعرف حظك معانا على دوت مصر كل يوم..وخد بالك الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى يبقى حظنا من حظه ونبقى مبسوطين زيه وبنتمنى نملك الانبساط دة ونتحكم فيه .. ونستدعيه كمان وقت اللزوم زي جني المصباح وزي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

الحب جمعية اللي بيقبضها الأول طبيعي يكون أول واحد بيخلع منها برضة.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

ناس كتير كانت نسيتك او كنت خارج حساباتهم هيفتكروك النهاردة فجأة وهيكلموك..لو ليك مزاج تفرفش معاهم او تزقطط انتا حر.. مهواش عيب ابدا..خصوصا لما تبقى واخد بالك كويس انهم مؤقتين ف حياتك مش أكتر

محتاج تفكر بعقلك مش بقلبك ولا معدتك النهاردة.. مهم تبقى عملي حبة عشان تعرف تاخد قرارات ف الحاجات اللي بالي بالك

إهتم بصحتك بشكل عام..انتا كبير والمفروض انك عارف مصلحتك مش كل يوم اقولك خد بالك من نفسك..مش كدة ياأخي

متوافق مع كل لمعة ف كل دمعة ف عين كل طفل تخيلي لسة مجاش الدنيا

قدامك اختيارات كتير ف مسألة التعامل مع قلبك..قدامك تفرفشه وقدامك تنعنشه وقدامك تفركشه وقدامك تطنشه وقدامك تحنكشه..إختار بعناية

هتستغل قدارتك الكلامية الفذة البليغة ف الإفلات من الماوقف الصعبة والحرجة النهاردة..عاش ياوحش عاش

متوافق مع اي حد رأيه من رأيك..كالعادة بتحب اللي يطبلك وخلاص وإلا تعتبره بيعاندك..لا فالح بصراحة D::

نقي كلامك النهاردة خصوصا ف التعامل مع اللي بتحبهم عشان انتا ممكن تفجر حد نفسيا بكلمة منك..اتكلم بحرص بليز

طول مانتا مزعج ومتقلب ومجنون محدش هيتعامل معاك عدل..فمتلومش إلا نفسك ف الموضوع دة..إختار ببساطة انك تراعي ان الناس مش نسخ من حضرتك ولا مطالبين انهم يستحملوك وخصوصا لو الحجة او العذر بالنسبالك انهم بيحبوك..اللي بيحب حد مش لازم يستحمله على فكرة..انتا فاهم غلط..او فاهم الحب غلط

شوفلك حاجة إعملها بدل ماترازي المخاليق بمودك المقشف النهاردة الله يباركلك

متوافق ولا مش متوافق مش مهم..المهم تختار تتعامل كويس مع الناس بشكل عام

إحتفل ودندش نفسيتك كدة عشان انتا هتتحب لحد مايبانلك اصحاب الفترة اللي جاية

حاول متتخانقش النهاردة مع حد وخد بالك انه يوم ملائم للإنخراط ف جموع الشعب العامل..تقرب فيه من الناس البسيطة وتحاول تساعدهم على قد ماتقدر

انتا زي الفل مفكش حاجة..دلع نفسك بس ف اهتمام اكبر بصحتك من باب الدلع مش أكتر

النهاردة انتا عملي بشكل أوفر جدا..هتركن الحب وتركز ف الشغل والهوايات..عين العقل بصراحة..بلا حب وبلا بتاع ياجدع

طول مانتا مبتحبش مش هتعرف تدي ف شغلك بشكل كامل.. مهم قلبك بشتغل عشان عقلك يشرف عليه مش يخصمله

إهتم بالإيجو بتاع الاخرين وراعيه زي مابتراعي الإيجو بتاعك..بس متحطلوش ولا مية ولا أكل

مش كل حاجة هتمشي على مزاجك النهاردة بس انتا عاقل وناضج وهتعدي اليوم عشان عارف ان الاحسن جاي بالتأكيد ف السكة

حاول متشبطش ف كل حاجة حلوة تشوفها النهاردة..حاول يعني ولا معرفتش مش ازمة..الموضوع مش إجباري اساسا

إشرب عصير بدال الشاي والقهوة النهاردة..هيفرق ف صحتك ومزاجك جامد النهاردة على فكرة

متوافق مع البراءة ف عيون الأطفال

إنبسط ومتركزش ف أي حاجة نكد النهاردة خالص..دور على البهجة ومسببيها وبس

متعملش لحد شاي..اللي عاوز شاي يقوم يعمل لنفسه..انتا مبتشتغلش عند حد

إهتم حبة بليونة جسمك وحاول تلعب يوجا حبة النهاردة ياريت

متوافق مع الرحرحة والكسل وأصحاب القلوب الرحيمة

شكوكك ف كل حاجة حواليك النهاردة ممكن تعمل مشاكل كتير وتخنق ناس كتير بدون داعي

ناجح ف اهدافك العملية النهاردة عشان مركز ومثابر وشاطر..عقبال ما تبقى احسن واحد ف الدنيا

خد بالك من ودانك النهاردة حبة وإهتم بيهم

متألق النهاردة ماشاء الله على كل المستويات..وخصوصا مستوى النفسية..واضح انك بتتصالح على نفسك وبتصالحها على الدنيا بالهداوة والعقل..عاش يامعلم عاش

اللي مش عاجبه تصرفاتك يروح يشتكي ف الكنترول عند مدام عفاف فوق

بيتزا وكافئ نفسك ياعم الحاج بلا دايت بلا بتنجان ..انتا بتتعب وكمان ف طور نمو..لازم تتغذى كويس

متوافق مع اللي ميستقلش بذكائك وحدسك وإحساسك بالحاجات

مهم تخرج النهاردة من قوقعتك التخيلية للشمس حبة..مهم فشخ

متراهنش على حاجة النهاردة ف الشغل

العلاقة السرية اللي بينك وبين التلاجة لازم تنتهي من النهاردة..من نفسك كدة وإلا هاقول على كل حاجة  

متوافق مع التلاجة ومع الاكل بالليل بشكل كبير..واضح انه مفيش فايدة

متعاون ولطيف يعني؟..وكمان بقيت تثق ف الناس فجأة..واضح انك بتدبر مصيبة كبيرة اوي ومسيرنا نعرفها

اشتغل وركز وخلص اللي وراك بنظام صارم عشان تفلح ف الحياة وبلاش دلع..الدلع ايامه جاية كتير متقلقش

الصداع سببه جيوبك الانفية او جيوب البنطلون..واضح انك بتصرف فلوس كتير ف الفارغة مش ف المليانة

متوافق مع الابراج النارية حبة

كل حاجة هتمشي زي السكينة ف الحلاوة طول مانتا واثق ف نفسك وف اللي بيحبوك..مش انتا واثق برضة ولا ايه الكلام؟..

مثاليتك دي تنفع ساندوتش..الحياة تاكله ف قطمة واحدة مش قطمتين

إهتم بشعرك النهاردة وحط فيه جاز

متوافق مع المثالية ومدعيها..ربنا يوفقكوا سوا 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

أهم أخبار العالم

Comments

عاجل