6 أسئلة طريفة أجاب عليها هنيدي «لايف»: «كمننا يعني إيه؟!»

في لقطة طريفة، نشر الفنان محمد هنيدي، عبر صفحته الشخصية بموقع التواصل الاجتماعي «تويتر»، تويته، الخميس الماضي، بعث فيها برسالة لمتابعيه قال فيها «هكون معاكم لايف لأول مرة على تويتر يوم الأحد»، وبالفعل منذ ساعة تقريبًا بدأ «هنيدي» في الرد على الأسئلة التي وجهت إليه عبر الهاشتاج «#AskHenedy».

وتتضمن بعض الأسئلة التي وجهت لـ«هنيدي»، بعض الطرافة من قبل المتابعين، وأجاب عليها الفنان الكبير أيضًا، وكان منها..

1-  «أكاتش كادر في الالولو كمننا يعني إيه؟؟»، هنيدي: زي مزجانجي بس الحقيقة معرفش معناها إيه، والناس حبتها.

2-  «حضرتك بتقول يا بنبوناية ناية يا إيه بقى»، هنيدي: هجيب كنافة نافه ومهلبية.

3-  «هتعمل صعيدي في الجامعة الأمريكية 2 إمته»..هنيدي: خايف الناس تقول الجزء التاني ليه، ولو الناس حابة طبعًا في ثانية.

4-  «طولك كام سم يا هنيدي»، هنيدي: بص هو فيه ناس بتقول ميه حاجة و80، وفيه ناس بتقول ميه حاجة و70، بس أنا محتفظ بالرقم ده لنفسي.

5-  «آخر مرة زرت المنوفية إمته»، هنيدي: وأنا في 3 إعدادي، كنا راحين نلعب ماتش كورة، وأكلونا قبل الماتش مشلتت، واتغلبنا بتاع 11 صفر.