خالد الصاوي يصدر بيانا مفصلا عن أزمته مع ممدوح شاهين

أصدر الفنان خالد الصاوي، بيانًا مفصلًا لسرد ملابسات أزمته مع المنتج ممدوح شاهين، التي وصلت إلي ساحات المحاكم، وحصل فيها علي أحكام قضائية بحبسه، لعدم حصوله علي مستحقاته المالية المتأخرة عن مسلسله الأخير "هي ودافنشي"، الذي عُرض في رمضان الماضي.

ونشر "الصاوي" البيان، عبر صفحته الشخصية بموقع التواصل الاجتماعي "فيس بوك"، وعلق عليها قائلًا:"مع احترامنا لمستثمري الفنون والإعلام والباحثين ووزارة الثقافة وماسبيرو والأجهزة الرسمية والنقابات الفنية، أنا مش مواطن درجة ثانية، ومش حكون، أعمل زيي أو أحسن مني لك ولينا وللي جايين بعدنا.

وأضاف البيان: "مضطر للتصعيد، خلصت شغلي رمضان اللي فات "دافنشي"، وليشهد الزملاء إنني تعاونت جدًا ولا كنت أناني مع الجميع وأولهم إدارة العمل برأسيها "الإنتاج والإخراج" سواء بالعمل ده أو اللي قبله "الصعلوك" مع نفس مكتب الإنتاج وصاحبه ممدوح شاهين.

وتابع: "وأدي احنا كل عام والجميع بخير داخلين رمضان التالي ، ولم أحصل على ثلاثة أرباع مستحقاتي عن "دافنشي" بالإضافة لشيك من "الصعلوك"، أولا أنا كده بدفع ثمن تعاوني وجدعنتي، لأن الأسهل وبيعمله كثير من الزملاء أعقر مع أواخر التصوير وأشترط حصولي على كل حقوقي عشان أنهي الشغل وبالتالي يهرولون عشان يدفعولي عشان يقفشوا المصلحة فيبيعوا للقنوات مرة واثنين وعرض ثالث الخلكني في العملين كنت مهاود مراعاة لأن الشيك الشهري بتاعي ممكن يغطي أجور كثير من العاملين بالأسبوع -وهم الجسم التنفيذي للعمل من مهنيين وفنيين وعمال.

وأردف: ولا يمكنني أن أقبل بفلسفة "أنا ومن بعدي الطوفان!" ، ده مش أنا ومش بعد سنين من الكفاح العصامي اللي ربنا كلله مؤخرا بالنعمة من جهة، والنشاط السياسي والجماهيري من قبل الحركة الوطنية للطلاب 1985 ولحد تمرد مثلا عالأقل، ولو دي شخصيتي كنت هونتها على روحي من قبل ده بزمن، يعني مثلا لما أسرونا بدو العجمي في مسلسل خاتم سليمان بالبنادق الآلية كنت قبلت بتهريبي!.

واستطرد: لكني طبعا هربت مع طاقم العمل الممثلات وبعض كبار السن، وقعدت مع رجالنا بتصل بأي جهة مسئولة وقت الفراغ الأمني والضغط عالجيش، وما كنتش بعد ساعتين مسكت الطبنجة ونظمتنا أنا والمخرج لمجموعات تستعد بأنابيب البوتاجاز والكهربا وصناديق الساقع لمواجهة مميتة! والحمد لله أن المنتج كان محمود بركة فلم يبخل بالفدية!.

وأوضح: مش بحكي عشان أبهرك! ده الطبيعي من وجهة نظري، بس الأهم إن اللي يعمل ده أكيد يعمل اللي شرحته سلفا، يعني بس بطمن عقلك قبل ما نغوط انا وانت وضميرك -مش قلبك انا لا اريد أي صعبنة الحق واحد مش منقسم ومتردد او حماسي كالعواطف.

وأكمل: حبك لي على راسي كفنان لكني الآن بكلم عقلك وضميرك عشان احترامك لي ما يشورش عليه أي شيء، ممدوح شاهين توقف عن تسديد حقي بس ماتوقفش عن الإنتاج عمل واثنين! بل و60 حلقة! وحاليا بينتج لنجمة أجرها عالي جدا وكمان بيهادي التلفزيون المصري ما رفض شراءه!

وتابع: ممدوح شاهين في حوار علي النت قال كده إنه خسران!ثم أضاف: لو خالد ماكانش عمل الدوشة اللي عالنت وفي الاعلام كان زمانه خدله بتاع 20 او 30 % من فلوسه!(وتقلص وجهه قرفا من هجومي عليه عالنت ما بين تقديمي شكوى لنقابتي + اتحاد النقابات الفنية + غرفة صناعة السينما و رفعي جنح شيك بدون رصيد حكم عليه فيها غيابيا بـ 11 سنة حبس!) فعارض في حكمين ولم يعارض في حكمين اخرين، فصار قسم الهرم ثم قسم الدقي بعد التراسل بين القسمين مطالبين بالقبض عليه لحين الدفع او المعارضة، وبالفعل تحركت قوة تنفيذ الأحكام مرة هنا ومرة هناك -بيته ومكتبه- لكنه كان بيتبلغ من فرد ما والقوة في الطريق اليه فيهرب من السلم الخلفي او يختبيء بغرفة فوق السطوح!