علاقات – 7 صفات لو لقتها في البنت اتجوزها علطول - سوبر راجل

El-Omda ‏21 دقيقة مضت العلاقات اضف تعليق 7 زيارة

طبعًا أنت برنس وكل حاجة وعارف الفُولة، بس ياما راح زيك كانوا عاملية مية راجل في بعض على رأي عبدالملك زرزور، عشان كدا فيه شوية حاجات عايز نقولك عليها لو لقتها في البنت اللي قدامك اتجوزها يا معلم واكسب في نفسك ثواب. تعالى نقولك بقى.

لو فيها مميزات الدنيا بس مغرور وشايفة نفسها هتكره نفسك واليوم اللي شوفتها فيه، لأنها دايمًا مش هيعجبها العجب، وكمان هتجبلك نقطة، وهتخسرك نص الناس اللي حوليك من أولهم أهلك مثلًا عشان التناكة، فلو لقتها متواضعة وطوب الأرض بيحبها إنت إيه؟ مش هتحبها يعني؟

لو إنسانة هادية ومبتتكلمش كتير وبتزن اتجوزها طبعا على طول يا ابني دي لُقطة، إنت عارف يعني إيه تحب واحدة زنانة؟ّ يعني هتطلع عينك وهتطفش منها وهتتعب نفسيًا. مهم تختار واحدة تعرف إمتى تتكلم وإمتى تسكت، دي مش طلبات ساحرة يعني ولا غريبة دا الطبيعي مهم تلاقيه والنبي الطبيعي دا.

نقصد متكونش تافهة، لإنها لو طلعت كدا هيبقى سواد غامق، هتلاقيها بتمسكلك على الواحدة، وبتبوظ حياتك على حاجات ملهاش أي قيمة، ودايمًا تفكيرها رايح لحاجات أنت عقلك عمره ما يفكر فيها. فمهم تبقى ذكية وتتعامل بنضج.

يا باااااي، امسك فيها يا حاج لو لقتها متحمسة كدا وبتعرف تعبر عن مشاعرها ولما بتزعل بيبان عليها ولما بتفرح بتفرحك معاها، مش دايمًا كلامها على القد، وإتمة، وتقولها بحبك تقولك ماشي أو تمام، أو متردش، يابااااااي.

لو عندها عقدة نقص ولا بتغير من دبان وشها هيبقى مرار طافح، لكن لو واثقة من نفسها هتبقى راسية كدا وعاقلة وصعب تتخانق معاك عشان واحدة كلمتك ولا صورة في الشغل فيها واحدة زميلتك.

يا سلام بقى، يا حظك ودعا الوالدين لو طلعت بتعرف تطبخ وحابة الموضوع، أقسم بالله هتعيش ملك، هتأكل أكل إيه وحلاوة إيه وطعامة إيه، وهتشرفك في العزومات، وهتطلع بأقل خساير ممكنة في الأكل اللي مش هيتحرق ولا يتعمل غلط ولا يبوظ.

وداعًا للملل، لو دمها خفيف يعني الضحك كله والهزار، ومفيش قفش ولا قمص، يعني ترميلها الإفيه تفهمها ومتقعدش ساعة تشرحلها، يعني فيه كميا وتبقوا كابلز لُطاف.