علاقات – 8 حاجات أبعد عنها في أي خروجة مع بنت - سوبر راجل

El-Omda ‏14 دقيقة مضت العلاقات اضف تعليق 6 زيارة

فى الـ علاقات مفيش أحلى من الخروجة مع بنت، سواء كانت صحبتك أو حبيبتك أو خطيبتك، والخروجات دي مش بالساهل كدا، لأن أقل غلطة ممكن تضيعلك اليوم مهما تعبت عشانه، فعشان كدا نصيحة مننا فيه شوية حاجات لو بعدت عنها في الخروجة ربك هيكرم وهتمشي عال العال وهتروح مبسوط وعشرة على عشرة.

متتخانقش مهما كانت الظروف، خليك ريلكس وفريش واتبسط وهندل أي مشكلة تواجهها، ممكن مشكلة صغيرة مع شوية عصبية يبوظوا اليوم على الفاضي. والبنات مبتنساش حاجة افتكر دا كويس.

الموضوع دا بيضايق البنات جدًا، ممكن تبان عادية ومتقبلة الموضوع بس هتكتشف بعد كدا إنها كانت مضايقة وتقولك جبت صحابك ليه مش دا يومنا احنا وعايزين نخرج ونتفسح ولا انت مش عايز تقعد معايا ولا ايه وهتفتح على نفسك فتوحة.

أكتر شيء بيعصب البنت وهي معاك إنك تنشغل عنها، ولو أنت بتاع شغل أوي فالتلفونات عمرها ما بتقف أو بتحب الرغي في التلفون دا هيخليها مضايقة منك ومتكدرة وهتضربلك بوزها شبرين واليوم هيبوظ.. ففكك يوميها من التلفون واقفله.

لو حبيبتك حسيت إنك مش هتقعد اليوم كله معاها وإنك ظابط الوقت ومش مفضي نفسك عشانها مخصوص وكل شوية بتبص في ساعتك هيبقى مرار طافح. فاخرج دايما في يوم الإجازة، ومتعملش أي حاجة تبين إنك بتابع الوقت، وعيش يوم وسيب نفسك خالص، وقولها كل شوية إنك مش عايز الوقت يخلص عشان تفضل دايمًا معاها.

سواء كنت بصباص أو لا، فركز دايمًا إن عينك متجيش على أي بنت حوليكم خاصة لو كانت حلوة لأنها هتلاحظ وهتعمل أزمة، خليك باصص في عينيها أحسن يا عم بلا وجع دماغ، وخلي بالك الحاجات دي بتفرق معاهم.

خليك صاحب مفهومية كدا، وأول ما تشوفها متنساش تشكر في قُصة شعرها وفي لبساها وحلاوتها وشيكاتها، بس متأفورش برضه يعني بين البنين، معلش يا حاج استحمل خلي الخروجة تعدي على خير.

لو كنت رايحلها بيت الأسرة متنساش تجيب حاجة وأنت داخل، سواء حاجة ليهم أو هدية ليها، وحتى لو هتقابلها هي ميضرش برضه لو جبتلها حاجة بسيطة كدا تفرحها.

لو كفى الله الشر كدا مثلًا علقت تعليق وحش على لبسها، غصب عنك كدا كان عندك مشكلة مع اللون ولا أي تفصيلة في اللبس وقولت دا في ساعة شيطان أو بهزار حتى هيبقى يوم مقنلد.. فخلي بالك يا معلم.