السيسي لمدير مستشفى بدمياط: ''أول دفعة هتسلموها الشهادة هحضرها ده لو أنا موجود''

قاطع الرئيس عبدالفتاح السيسي، مدير المستشفى العسكري بدمياط، وذلك خلال افتتاحه لها بدمياط اليوم الثلاثاء، قائلًا: "أمتى نقول إن المعهد لما هيدي رُخصة لمزاولة المهنة لمصر العالم كله هيقدرها".

وأضاف السيسي- خلال مقاطعته لمدير المستشفى: "ديما بنبدأ الحاجة، ويبقي عندنا أمال كبيرة أوي، ياترى نقدر نبقى عندنا أمال كبيرة ورخصة مصر العالم كله يقدرها".

وتابع الرئيس: "حديثي هذا لجميع الأطباء لمعرفة أهمية هذه الشهادة، إذا ذهبتم إلى أي دولة في العالم ميقولوش إحنا عاوزين معادلة"، وتساءل السيسي: هل بعد ذلك سيصبح لنا تقييم لتجديد الرخصة كل 3 أو 5 سنين على سبيل المثال".

وتابع السيسي حديثه: "لو مش هنجامل يبقى عنينا على شكل الطب في مصر، وشكل أطبائنا برة مصر يبقوا إيه"، ورد عليه مدير المستشفى العسكري بدمياط قائلًا: "سيتم إعطاء الشهادة لأول دفعة في عام 2020 ، ليقاطعه السيسي: "ليه منبقاش كمان 6 شهور، ليه تقعدني 3 سنين علشان تديني الرخصة"، وأراد وزير الصحة أن يرد على تساؤلات الرئيس السيسي ليقاطعه "لا، المدير هو اللي يرد".

واستطرد الرئيس: "لابد أن نصبح جادين للتصدي لمشكلاتنا، وشفافين ومصريين على النجاح، ليه أنا واللي معايا مننمش علشان نبقى كده، الأمل مش كده خالص".

وأضاف السيسي خلال حديثة لمدير المستشفي العسكري بدمياط: "لو عاوزين تجيبوا معايير من بره ونخلص مش مشكلة يادكتور أسامة، لو عاوزين تستعيروا بحد من دول سبقتنا طيب مانجيب لأن المعايير مبتختلفش من دولة لدولة".

وكانت الرئيس عبد الفتاح السيسي، وصل محافظة دمياط، صباح اليوم الثلاثاء، استعدادًا لافتتاح عدة مشروعات خدمية وتنموية في المحافظة.

واستهل السيسي زيارته بتفقد المستشفى العسكري بمدينة دمياط الجديدة، في حضور عدد من الوزراء والدكتور إسماعيل عبد الحميد طه محافظ الإقليم، والقيادات الأمنية، والتقى عددًا من الأطباء والإداريين العاملين بها، مؤكدًا على أهمية تقديم أفضل الخدمات للمواطنين

وتضمن المشروعات المقرر افتتاحها من قِبل الرئيس عبد الفتاح السيسي، أربعة مشاريع تنموية وخدمية، وهي افتتاح المستشفي العسكري بدمياط الجديدة، ووضع حجر أساس مدينة دمياط للأثاث، بالإضافة لافتتاح الرئيس، بواسطة "الفيديو كونفرانس"، مستشفى الطوارئ بكفر سعد، ووحدات مشروع دار مصر.