إلهام شاهين: اليوم نصلي من أجل السلام

عبرت النجمة إلهام شاهين عن سعادتها الغامرة لمشاركتها في صلاة القداس التي ترأس مراسمها وطقوسها اليوم البابا فرانسيس بابا الفاتيكان في إطار رحلته إلى مصر التي تحمل رسالة السلام.

وشاركت الفنانة تفاصيل وأجواء ذلك الحدث مع جمهورها عن طريق حسابها الخاص على موقع الصور الشهير انستجرام.

حيث نشرت شاهين منذ قليل صورة لها من داخل القداس مرفقة معها تفاصيله تحت عنوان صلاة القداس اليوم معا نصلي من أجل السلام.

وقالت شاهين " كنا مستمتعين جدا والتنظيم والأمن هايل، والبابا وصل قبل الميعاد الساعه 9.30 بالظبط، والقداس بدأ الساعه 10 بالظبط ".

وتابعت شاهين "أول مرة فى حياتى أحضر مناسبه تبدأ بالظبط فى الميعاد المكتوب في الدعوه حضر القداس 25000 شخصًا، شئ مذهل في جماله على كل المستويات كان فيه طاقة حب تملأ المكان والوجوه مبتسمة تشعر بالسلام النفسي".

وأضافت شاهين " الناس اللي مسمعتش كلمة قداسة البابا فرانسيس.. دي أهم الرسايل اللي اتقالت فيها مسيحيين مصر مش غرب ولا ضيوف.. دول جزء لا يتجزأ من تاريخ مصر، زي ما مصر انقذت العالم ايام يوسف الصديق من مجاعة الحب.. واجبها دلوقتي أنها تنقذه من مجاعة الحب العالم محتاج قوة القانون.. مش قانون القوه "الدين لله والوطن للجميع " وقالها بالعربي مصر فعلآ أم الدنيا، قلبي وفكري مع كل شهداء الأقباط.. وكل العائلات اللي تم تهجيرها من سينا

الويل لكل الناس اللي بتوهم البسطاء بـ "وهم الاخره".. وتخليهم يبيعوا دنيتهم حاشا لله أنه يشجع الناس علي الدم والقتل.. الله بيكره العنف وبيرفضه

الله مخلقناش علشان نكون صناع موت.. الله خلقنا للسعاده وللحياه الله مش محتاج حد يدافع عنه أو يحميه.. الله هو الحمايه لكل البشر، بصلي أنكم تكونوا محفوظين بصوت القديس مار مرقس اللي بشر مصر بالمسيحية".