برج الحوت.. السبت 29 أبريل 2017

برج الحوت.. السبت 29 أبريل 2017..خد بالك بس من جيوبك الانفية

اليوم جميل ومنعش يا برج الحوت.. خد بالك بس من جيوبك الانفية ومن التراب وحاول تتجنب اي شخص نكدي او عنده ميل للأسئلة الوجودية والعمق والإدعاء والتكلف..خليك بسيط وحاوط نفسك بالناس البسيطة والمحبة زيك..محدش يقدر ينكد عليك النهاردة.. محدش يقدر..ثق ف كدة من فضلك.

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر دا وانت بتقرا حظك اليوم النهاردة ..