أحمد مكي يكشف سبب ابتعاده عن الساحة الفنية

أوضح الفنان أحمد مكي سبب ابتعاده عن السينما والدراما الفترة الماضية، وذلك عبر حسابه على "فيس بوك".

قال مكي: "اللي خلاني اعمل الصفحة دي أن لقيت كم ناس سألت عليا لما غبت السنة اللي فاتت وبيستفسروا أنا اختفيت فين، وكنت حابب اشكرهم على سؤالهم عليا لأنه فعلا فرق معايا نفسيا وكنت محتاجه قوي".

وأضاف : "أنا كان بقالي سنة تقريبا عيان جدا، كان عندي فيروس ضربلي الكبد والطحال، مكنتش حتى اقدر اشرب بق ميه بسبب الطحال، وكنت في شبه كومة أول شهرين من المرض، عشان الكبد كان عملي خمول كنت بنام من 18 لـ 20 ساعة في اليوم، خسيت فوق الـ 30 كيلو وكنت شبه فاقد للأمل، الحمد لله على كل حال".

وتابع: "أنا دلوقتي خفيت تماما ووزني زاد تاني، واتعلمت كتير جدا في الرحلة دي، وكان فارق معايا جدا سؤالكم عني، حسّيت أن ليا أهل مش جمهور، وأن فرقت معاهم لما غبت، ربنا يفرح قلوبكم زي ما فرحتوا قلبي، وأهلا بكم في صفحتي".