برج القوس.. الخميس 27 أبريل 2017..خدودك سر جمالك النهاردة

برج القوس.. الخميس 27 أبريل 2017..خدودك سر جمالك النهاردة

خدودك سر جمالك النهاردة.. بس دة ف حالة الضحك والإبتسام فقط.. مفيش خدود بتبان حلوة ف التكشيرة خد بالك..اي نعم بتبقى برضة ف حد ذاتها حلوة مفيش كلام بس التكشيرة بتشد النظر وبتفسد المود حواليها بالتالي بتبان دبلانة ومقشفة.. ف خلي بالك..إبتسم وإضحك خصوصا وإن الليلة فيها حب طاير بيرفرف ف الهوا يا معلم..إنبسط..إنبسط.

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر دا وانت بتقرا حظك اليوم النهاردة ..