فري لانسينج – اه راجل وممكن تشتغل من البيت عادى - سوبر راجل

Engy Hassan ‏8 دقائق مضت BuzzRamet اضف تعليق 2 زيارة

فى اخر 5 سنين مصطلح الـ” فري لانسينج” انتشر فى مصر و كل الناس بقت  بتتكالب عليه تحت اعتقاد انه حاجة سهلة، و ان ممكن اى عيل بشـ** يعرف يشتغل الشغل اللى من البيت اللى اسمه الـ فري لانسينج ده، والحقيقة ده مفهوم خاطئ و مالوش أدنى اساس من الصحة.

مصطلح الـ فري لانسينج (Freelancing) بيطلق على اى شغل بيتعمل من غير اى رقابة من حد فوقيك، سواء الشغل ده انت بتخلصه من بيتك، من مساحة عمل مشتركة، أو حتى من رصيف فى الشارع، و لكن اشتهر عندنا كمصريين بـ الشغل من البيت.

لازم تبقى عارف ان الـ فري لانسينج مش مقتصر على مجال واحد بعينه، على قد ما هو مرتكز على المجالات الديجيتال عمومًا، زى الـ Digital Marketing و الـ Web Developing و الـ Web Designing و الـ Coding و الـ IT و الـ Graphic Designing و الـ Content Creating و غيره كتير.

لو انت شغال Sales، او شغال Retail او اى شغل بيحتاج منك Soft Skills و مجهود جسدي، مش Technical Skills و مجهود ذهنى، فأنت مش هتعرف تكون فرى لانسر الا لو اشتغلت على نفسك فى مجال الكتروني معين، و بدأت تاخده كتخصص لشغلك، بجانب شغلك الاساسى، او كشغل فى مجال جديد بعد ما سبت شغلك الاولانى.

ممكن تشتغل فرى لانسر من غير مايبقى معاك اعدادية حتى، و ده بيبقى عن طريق بعض الوظايف اللى بعض مواقع الـ فري لانسينج بتطلبها، زى موقع appen اللى علطول بيطلب Social media evaluator و Crowd sourcing، و تفريغ صوتي، و دول مش محتاجين منك أدنى خبرة، جرب كدة تعمل سيرش بالكلمتين دول وشوف هيطلعلك كام شغلانة.

(بس خلى بالك، كل ده محتاج انجليزى بربنط يا معلم اللى هو محتاج منك مجهود ووقت بردو علشان تتقنه).

باللى مكتوب فى العنوان ده، معناه انك عاوز تمتهن تخصص معين كـ فرى لانسر، وتعتمد فى دخلك بشكل أساسى على الـ فري لانسينج، وده مينفعش يحصل غير لو انت “عبقري” فى مجالك ده، او مش شايل مسئولية بيت و اطفال فهتاخد الـ Risk بقلب جامد، لأنك علشان تبدأ فى مجال الـ فري لانسينج لازم تفهم سوقه ماشي ازاى، و على قد ما هو مريح و سهل، على قد ما هو صعب و هيكفرك.

خش اعرف المواقع اللى تقدر تشتغل عليها فرى لانسر هنا.

اعرف الحاجات اللى مفروض تعملها علشان تبقى فرى لانسر من هنا.