برج الثور.. الأثنين 24 أبريل 2017

برج الثور.. الأثنين 24 أبريل 2017..خليك عاقل النهاردة يا برج الثور ومتتخانقش مع مديرك

خليك عاقل النهاردة يا برج الثور ومتتخانقش مع مديرك او دكتورك او معيدك ف الجامعة..خليك جنتل وعدي اليوم على خير..عارف انك مبتحبش حد يتعالى عليك ولا يكلمك من طرطوفة مناخيرك ودة حقك طبعا ومفيش فيه فصال..بس الصح تاخد مصلحتك الاول وبعد كدة تتخانق او تطنش وتكبر دماغك خصوصا وان الحياة مبتسيبش طرطوفة مناخير متعالية ف حالها وكدة كدة هتخرطها للبط..إتقل بس وإتفرج وهتشوف.. الحياة ملهاش كبير ياباشا..ملهاش.

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر دا وانت بتقرا حظك اليوم النهاردة ..