الحياة الزوجية – طلبات جوزك بيكره يسمعها منك – إسمعى الكلام إحنا أدرى - سوبر راجل

Engy Hassan ‏8 دقائق مضت BuzzRamet اضف تعليق 2 زيارة

١- لما الست تطلب من جوزها ينزل معاها عشان تعمل شوپينج مابيبقاش طايق نفسه و بيبقي واقف او قاعد علي كرسي في المحل حزين مغلوب علي أمره و مراته كل شوية تسأله هو ده شكله حلو عليا طب حلوة لمناسبة ؟! طب اجيب ده للبيت ؟ و هو بيرده اه طبعا طبعا جميلة تحفة تجنن بعدين مراته تكتشف في الاخر انه بيرد عليها و هو ماسك الموبايل و مش شايفها اصلا فهي تسكت و تبطل تسأله فيبص عليها يلاقيها بصاله و هي ساكته فيكتشف انه لعب في عداد عُمره!

٢- لما تيجي الزوجة تطلب من جوزها ان يصلح حاجة من البايظين في البيت او يعلق حاجة وقعت او حاجة جديدة اشتروها يقولها حاضر و ينسي فتقوله بعدها بكام يوم انت نسيت يقولها لا طبعا و انا اقدر من عنيا يا حبيبتي حاضر يعدي اكتر من اسبوع ولا حس ولا خبر عن اي حاجة من اللي طلبتها. خلاص اديكي عرفتي مش معقول كل لما تطلبي حاجة من جوزك تقعدي تفكريه بيها كل ٦ شهور ماتبقيش زنانه!

٣- لما يبقي الزوج مضغوط في الشغل و مراته نفسها تخرج و تسافر بس مافيش وقت و مجال لده حالياً و في الويك اند بيبقي عايز يريح مش قادر ينزل فيبدء يحاول يتوه الموضوع بالجمل المتعارف عليها ربنا يسهل او ان شاء الله نبقي نشوف و الكلام ده كله. يجوا يوم الاربع بليل تسأله ها يا حبيبي بكره اخر الاسبوع هنخرج ولا ايه يقولها انتِ طبخالنا ايه النهارده يا حبيبتي تقوله حاجات من اللي بتحبها بس قولي هنخرج ولا لا يقولها طب ايه بس عشان جعان جدا تقوله فراخ و مكرونة يقولها الله طب هايل يلا ناكل عشان بجد واقع من الجوع فتقوله هننزل ولا لأ ؟! يقولها طب و المكرونه نجريسكو ولا بالصلصة فتسكت و تقوله نجريسكو و حطيتلك فيها جبنه كتير زي ما بتحب و مش هطبخ بكره عشان احنا خارجين يا حبيبي بقي صح ولا ايه؟!! فيسكت و يقولها هو انا ماقولتلكيش فتقوله لا خييير ؟!!! مش بكرة بابا و ماما جايين يتغدوا عندنا و انا نسيت اقولك اول الاسبوع كنت ملخوم في حاجات كتير كان لسه هيوعدها بخروجة تانيه و يقولها كلام كتير بس بيقولوا و هم بيغسلوه تعبيرات وشه كانت متفاجأة جامد الله يرحمه! فيه حاجات كتير غير دي طبعا من طلبات الزوجة الي تبدو انها تزعج الزوج و تعكر من صفوه يعني بس دي كانت عينة من اللي بنشوفها ظاهرياً في المجتمع اللي عايشين فيه و للحديث بقية خصوصاً لو اكتشفنا حاجات جديدة بعد كده. 

الوسومالحياة الزوجية الزوجة النكدية هتجوز