المحتوى الرئيسى

تعرف على أحداث الحلقة الأولى من مسلسل 'عفاريت عدلى علام'

04/22 16:18

تبدأ أحداث الحلقة الأولى من مسلسل "عفاريت عدلى علام" فى حارة الولى، وبعد أن نلمح لافتة حارة الولى نجد (مقهى الولى) ينبعث منها صوت القرآن والتواشيح والأدعية، وبجوار المقهى محل حلاق شعبى (محل الأسطى مدنى)، والأسطى مدنى يلمع زجاج واجهة المحل.

والأسطى مدنى هو حلاق شعبى جهور الصوت ضخم الجثة، ولكنه لا يرتدى جلبابًا وإنما يرتدى بدلة سفارى، وينفض المحل والكراسى، يمر به المبخراتى ويبخر الواجهة ويقول له "يجعل استفتاحك لبن يا أسطى مدنى".

ننتقل فى المشهد الثانى إلى حجرة نوم عدلى وهو رجل في نحو الستين من عمره، نائم وأعطى ظهره لـ(حياة النفوس) التي يعلو صوت شخيرها متحولًا إلى صفارة مزعجة ويختلط بأنين (حياة) أثناء النوم.

"حياة" امرأة دميمة، وشعرها أكرت، وعيناها ضيقتان، أذناها كبيران، ويمكن أن تكون حولاء أيضا، لونها أقرب إلى الجرب أو زرقاء مجربة، يتقزز عدلي من شخيرها ويحاول أن ينام، يضع المخدة فوق أذنه وفي حركة مفاجئة عنيفة من "حياة" ترفسه برجلها فيسقط على الأرض، وتحتل هي السرير كله وقد نامت بعرض السرير.

يقوم عدلي متوجعًا من السقطة ثم يرتدي النظارة والشبشب وينظر إلى الساعة ثم ينظر نحو حياة المستغرقة في النوم ويقول: "يا فتاح يا عليم يا رزاق يا كريم، اللهم ابطل عمل المفسدين واخمد أنفاسهم واشغلهم عنا بشاغل من مقتك وسخطك".. يرفع عدلي يده للسماء ويستكمل قائلًا: لا يستطيعون له ردًا، اللهم أني أعوذ بك من كل شر كل جبار عنيد ومن كل عين لامة ونفس لوامة ومن شر الحية السنانة والأفاعي السامة.

ويخرج من حجرة النوم بعد أن يبصق على حياة متجهًا إلى الصالة، وهو يقول: من شر الحية السنانة والبعوضة الزنانة. ثم يهم بفتح باب الحمام، عربي أخو حياة النفوس يصرخ من داخل الحمام: "أنا جوه اوعى تفتح الباب أنا عريان ملط أوعى تفتح".

عدلي يكمل الدعاء: ومن شر الثعبان الأقرع والكلب الأجرب، ثم يسمع صوت ضحك أنثوي (أنيسة) زوجة عربي معه في الحمام تضحك قائلة: اهمد بأه، أهمد يا عربي. فيصرخ عدلي: ما تهمد يا عربي ربنا يهدك ده أنا عمال أدعي عليكوا من صباحية ربنا ومابيحوأش فيكو، فيفتح عربي الباب: ياللا يا أنيسة اعمليلك همة صباح الفل يا عدولة.

يرد عدلي في ضيق: ما تلموا نفسكوا شوية يا اخي، صوتكوا أنت ومراتك مابطلش طول الليل إيه بتحاربو مش عارفين ننام.

عربي: بقولك إيه الحكاية مش ناقصة نبر وحياة والدك ما تركزش معانا خليك في نفسك.

عدلي: ما الحارة كلها سمعتكوا، هوه أنا لوحدي، دة انتو جرستونا.

عربي:أهو عاملين لك منظر في الحارة أحسن ما البيت كان عامل زي المدفن عمره ما طلع له حس.

أنيسة: يوووه سي عدلي، ويرد زوجها عربي: غمض عينك يا عدولة.

عربي: بنقول غمض عينك عشان الولية تعدي، ولا إنت عاوز تشوفها لا مؤاخذة من غير هدوم.

عدلي: حاضر يا عربي، أنا حغمض عينيا عشان الولية تعدي والنهار يعدي كويس كده.

ثم ينظر عربي نحو عينه اليمنى ثم عينه اليسرى ويقول: اقفل لي الشمال دي صح أنا عاوزك تقرط لي عليها شوية، عدي يا ولية، عدي يا أنيسة.

فتخرج أنيسة مسرعة دون أن نراها بالطبع وتدخل إلى الغرفة الأخرى، ويقول عدلي: أفتح عيني بأه.

عربي: افتح يا جوز أختي

عربي: حمامك، ميتك، صابونك، اتفضل يا عدولة دة بيتك

ويكمل عدلي دعاءه: اللهم اجعل نحرهم في صدورهم، اللهم أحرقهم بنارك، اللهم اغرقهم في بحارك، اللهم مزقهم إربًا إربًا. ويدخل الحمام.

ثم ننتقل في المشهد التالي إلى الحارة، الشيخ ياسين رجل في منتصف الأربعينيات يجلس على كرسي أمام محل الحلاق، في انتظار دوره، ومدني يرش وجه وشعر مدكور ببخاخة في يده.

مدكور: أنا آسف والله يا شيخ ياسين، أنا قربت أخلص أهوه، انت عارف الاسطى مدني كنت جاي اخد دقني عملهالي شغلانة.

مدني: بندرج القفا أهوه خلاص يا شيخنا

ياسين: على مهلك يا اسطى مدني، العجلة من الشيطان، كل شىء وله أوان

مدكور: ومولانا ازيه، بتوصل له السلام يا سي ياسين، آه اوعى دي أمانة

مدني: مش باين مولانا يعني اديله فترة يا شيخ ياسين هوه مسافر

ياسين: مولانا فضيلة الشيخ صادق الجعفري في الخلوة إن شاء الله، ولما فضيلته يروح الخلوة محدش يعرف حيرجع منها امتي، إلا المولى سبحانه وتعالى

مدكور: يا عيني، ربنا يبارك له ويرزقنا من كراماته

تطل زينات من البلكونة المواجهة للحلاق وتقول: صباح الخير يا اسطى مدني

فينظر ياسين نحوها ولا يرد، ويدير وجهه وكذلك الأسطى مدني.

ياسين: أستغفر الله العظيم من كل ذنب توب علينا يا رحمن.

زينات: يا أستاذ مدكور، يا أستاذ مدكور

مدكور: أيوة يا ست زينات

زينات: الكهربا مقطوعة عندي ياخويا

مدكور: هو انا وزير الكهربا يا ست زينات، كلمي الأعطال 9494 حيرد عليكي الباشمهندس مدحت قوليله ع اللى عندك وقوليله انك من طرف مدكور الظايط.

زينات: ربنا ما يحرمني منك يا أمير يا طيب

وتغلق باب البلكونة وتدخل. فيقول مدكور لمدني معاتبًا: معقولة كده يا جماعة، الولية بتسلم عليكوا مترودوش عليها السلام، ده السلام لله يا اخواننا

ياسين: السلام لله أي نعم لكن مش مع الفاجرة دي

مدني: على آخر الزمن حنرد على زينات كهربا.

مدكور: أنا برد عليها جبران خاطر يا اسطى مدني وبعدين متنساش هي زينات كهربا وانا في مصلحة الكهربا يعني زميلة

مدني يضحك ويقول: بس الفرق بقى هي شغالة كهربا طول الليل إنما احنا كهربتنا بتقطع (يضحكون)

: بس زينات فواتيرها حنينة عن فواتيرنا

نعود إلى صالة بيت عدلي، أنيسة تضع الافطار، وعربي يداعبها وهي تمشي: باموت فيكي يا انوسة، وترد: اسكت بأة دول صحيوا خلاص يا عربي.

عدلي يفتح باب الحمام ويهم بالخروج فيصرخ عربي: استنى يا عدولة غمض عينك

عدلي: وبعدين بأه هي مراتك دي مابتلبسش ابدا

عربي: حطي الروب عليكي يا انوسة الدراعات دي محدش يشوفها غير عربي

عربي: افتح يا جوز اختي معلش انت برضه بالنسبة لها غريب وهي تجوز لك شرعا والنفس أمارة بالسوء ماتآخذنيش

عدلي: ولما انت بتغير عليها قوي كده ما تاخدها وتروحوا تقعدوا في بيتكو، قاعدين في ارابيزنا ليه

عربي: هو احنا غرب ده بيت اختي يا عدولة

تفتح حياة الباب خارجة من حجرة النوم منكوشة الشعر، حمراء العينين كأنها غولة.

عدلي: غمض عينك يا عربي

عدلي: آه انت، غمض عينك ولا هوه انا اللى الوحيد اللى بيغمض في البيت ده

عربي: دي اختي يا عدولة دي لو عريانة انا اللى ملزوم اغطيها

عدلي هامسًا: انا بقولك غمض عينك عشان ما تتسرعش لو اصطبحت بالوش ده يومك مش ح يعدي اسألني انا

يضحك عربي، تسمع حياة صوت مياه مفتوحة في الحمام وتتخانق مع عدلي فيقوم غاضبًا، وتقول له: أحسن انت مش فالح غير في الكتب اللى ملت البيت فران.

يذهب عدلي ليرتدي ملابسه ويغمغم: الله يخرب بيتك يا شيخة ع الصبح، ايه الولية دي خدني بأة يا رب وخلصني من العيشة الهباب دي، يا إما تاخدها وأبقى أرمل، كل أصحابي الأرامل مرتاحين.

يجد خرقًا كبيرًا في البنطلون قبل أن يرتديه فيذهب لحياة ويقول: إيه ده

أهم أخبار فن وثقافة

Comments

عاجل