المحتوى الرئيسى

فنان تشكيلى متجول: مش معاك فلوس تعمل جاليرى.. انزل الشارع

04/18 10:18

سعى وراء حلم الطفولة، حتى استطاع أن يُحققه بعد التحاقه بكلية الفنون الجميلة، وقف على ناصية حلمه بثبات، لكن الحظ لم يستجب لرغباته، فطموحه كان أعلى من التنازل عنها، خرج إلى شوارع المعادى وأقام معرضاً من لوحاته الفنية الصغيرة على أيدى الأطفال، راسماً البسمة على وجوههم.

تخرّج «نور» فى كليته منذ 8 سنوات، إلا أنه لم يحظَ بوظيفة تمكنه من ممارسة فنه: «الظروف المادية ماكانتش مساعدانى إنى أعمل جاليرى وأعرض فيه لوحاتى.. فالشارع بالنسبة لى أكبر معرض باكسب منه عيش»، ينزل إلى الشارع بحثاً عن رزقه وسط وجوه الأطفال وكفوف الفتيات، بنقش الحنة فوقها مقابل 5 جنيهات فقط: «ماباغلّيش على حد فى الفلوس.. أنا مش بارسم علشان الفلوس، أنا يهمنى تعرف أن مش أى حد يمسك الفرشة ويرسم».

يتجول «نور» بجلبابه الملطخ بالألوان، يبدو كلوحة فنية تتحرّك معه، صنعها خصيصاً ليكون مميزاً بين المارة: «هدومى بتلفت نظر اللى ماشيين، وألوانى كمان»، هكذا يُروّج «نور» لنفسه ولفنه، حتى عُرف باسم «الفنان».

لم تتوقف رحلاته اليومية فى الشوارع فقط، حيث يشارك الشاب العشرينى بفنه فى حفلات أعياد الميلاد والسّبوع، من خلال رسم بعض الحيوانات الأليفة على وجوه الأطفال، ومن ذلك رسومات الحنة فى الأفراح: «ماكنتش هاقعد أستنى لحد ما ألاقى شغلانة مش بتاعتى ومش مجالى وأشتغلها لمجرد إنى أبقى موظف.. كده أنا باعمل اللى باحبه».

أهم أخبار مصر

Comments

عاجل