المحتوى الرئيسى

برج السرطان.. الثلاثاء 18 أبريل 2017..الحياة مبتطبطبش على حد

04/18 04:45

برج السرطان.. الثلاثاء 18 أبريل 2017..الحياة مبتطبطبش على حد

النهاردة يابرج السرطان انتا بتحاول تشغل نفسك كتير جدا جدا عشان تداري انك بتفكر ومشغول بقلبك..حاسس انك ف مود حب ومبتعملش حاجة ف الاتجاه دة مفيدة..مكسوف تقول تقريبا او تعترف بوضوح حتى لنفسك..طيب لو انتا مستني دة يحصل بالصدفة ف تبقى غلطان..الحياة مبتطبطبش على حد..معندهاش ايدين ولا قلب عشان تحس بيك..انتا اللي المفروض تتصرف ف حياتك..مش هي.. انتا اللي سايق يامعلم..مش هي.

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر دا وانت بتقرا حظك اليوم النهاردة ..

أهم أخبار منوعات

Comments

عاجل