برج الثور.. الاربعاء 12 أبريل 2017

برج الثور.. الاربعاء 12 أبريل 2017..حاول متبقاش بتاع مصلحتك

حاول متبقاش بتاع مصلحتك اوي النهاردة يابرج الثور..

كمان مهم تفهم ان كل اللي انتا عاوزه ف الحياة هتوصله مع الوقت..

لا بالضغط على نفسك ولا على اللي حواليك..الطموح مش معناه انك تلوم نفسك طول الوقت عشان موصلتش لكل اللي نفسك فيه لسة..

ومينفعش تبقى بتجري ف الحياة طول الوقت بالإيقاع السريع دة..

العمر هيجري وفجأة هتلاقي نفسك شغال عند الحياة..

مش الحياة هي اللي شغالة عندك.. ف خد بالك.

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..