المحتوى الرئيسى

الزمالك ده ولا نجلاء الشرشابي ؟

04/10 23:16

نجلاء الشرشابي واحدة من أنجح الستات اللي ممكن تتفرج عليها وهي بتعمل اكلات مصرية بسيطة وبأقل مصاريف ممكنة ..

كل ده كلام حلو وجميل , بس ايه علاقته بالزمالك ؟ .. تعرف علي أوجه الشبه في السطور التالية ..

·       نجلاء بتقدم برنامج جميل أوي اسمه " علي أد الايد " بتحط فيه أرخص خامات ممكنة عشان تعمل أكلة , و ده بالظبط حال فرقة الزمالك دلوقت خامات رخيصة جدا لا تصلح لأن تظهر في مطبخ كروي شهير بحجم الزمالك , الفرق بس ان أكل نجلاء ممكن يشبعك انما أكلة الزمالك وصلت لمرحلة انها متتبلعش .

·       نجلاء ايدها تتلف في حرير وبتعمل خير جلاش الأرض , زي الزمالك بالظبط عنده خير أجناش الأرض .

·       نجلاء مش مهم عندها نتيجة الأكلة اللي بتعملها , أهم حاجة تكون « الحلة » شكلها حلو , ودي سياسة ادارة الزمالك بالظبط مش مهم النتيجة المهم الأداء .

·       نجلاء بترد علي المداخلات التليفونية بضحكة بشوشة أوي وعمرها ما زعلت أي ست بيت في كل المحافظات , سبحان الله زي الزمالك بالظبط كل المحافظات في الدوري بقت تفتكره بالخير قاهرة و اسكندرية و اسماعيلية و اسوان , حتي الشرقية كمان .

·       نجلاء يوم ما فكرت تعمل اعلان عملت اعلان ل " كازيون " , الزمالك برضه عامل اوكازيون لكل الفرق وعروض محصلتش , علي طريقة ليه تاخد مني نقطة لما ممكن تاخد الثلاث نقط كلهم .

أهم أخبار متابعات

Comments

عاجل