برج الدلو.. الخميس 30 مارس 2017

برج الدلو.. الخميس 30 مارس 2017

النهاردة اليوم حلو يا برج الدلو بس ياريت متعزلش نفسك عن الناس..

الحيطان النفسية اللي بتبنيها حواليك دي سجن بتسجن نفسك جواها دي مش هتحميك..

الحظ هزار من الحياة .. مش اكتر .. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان إتحرك من بلد لبلد برضة ف البر لو مكانش في مواقع للنجوم مميزة ف السما يقدر يعتمد عليها..

إفتكر دا وانت بتقرا حظك اليوم النهاردة ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم.