صحفي ينشر شهادته حول اختفاء «أبو دراع»: القبض عليه في كمين بالوظة وتواصلت مع النقيب وقال «هعمله إيه يعني»

قال الصحفي محمد البحراوي، حول اختفاء الزميل الصحفي أحمد أبو دراع، إنه كان على اتصال به لحظة القبض عليه، الثلاثاء الماضي.

وأضاف في تدوينة له عبر "فيسبوك": «أحمد أبودراع اتصل بي لحظة القبض عليه يوم الثلاثاء اللي فات 21. مارس وقالي بالنص: يا بحراوي انا اتقبض عليا من كمين بالوظة (شمال سيناء) ومترحل دلوقتي على قسم شرطة رمانة، حاول تساعدني.. قولتله : مسكوك ليه يا أحمد معاك مخدرات أو سلاح أو غيره؟ قالي: مفيش اي حاجة ده قبض اشتباه عشان بطاقتي فيها العنوان الشيخ زويد واتقطع الخط من ساعتها».

وأشار "البحراوي" إلى أنه: «بعدها بدقائق وعلى الفور وبصفتي واحد من اللي بيغطوا ملف سيناء واعرف أحمد كويس زي كل الأصدقاء المراسلين اللي هناك، عملت اتصالات بكل الدنيا (سلطات الأمن)، الجريدة، أعضاء النقابة كلمت الأساتذة أبو السعود محمد وأيمن عبد المجيد ومحمد سعد عبد الحفيظ».

وأوضح "البحراوي": «كلمت نقيب الصحفيين الأستاذ عبد المحسن سلامة اللي كان رده صدمة لي قالي: أبودراع شكله بتاع مشاكل وبيتقبض عليه كتير هعمله إيه يعني؟!!»

وقام عدد من الزملاء الصحفيين بجمع توقيعات لتقديم بلاغ للنائب العام بشأن واقعة الاختفاء القسري للزميل أحمد أبو دراع، الصحفي تحت التمرين بجريدة المصري اليوم.

علمًا بأن المعلومات المتداولة تفيد بأنه تم القبض عليه من كمين «بالوظة» الأمني غرب سيناء، في 18 مارس الجاري، وفقدت أسرته التواصل معه، ولم يتم التعرف على مكانه حتى الآن، لذلك فهو وفقًا للقانون مختفي قسريًا