برج العقرب.. الاربعاء 22 مارس 2017..طب ماهو انتا اللي بتصرف أكتر من دخلك..

برج العقرب.. الاربعاء 22 مارس 2017..طب ماهو انتا اللي بتصرف أكتر من دخلك..

طب ماهو انتا اللي بتصرف أكتر من دخلك طول الوقت يا برج العقرب..

طبيعي يحصلك مشاكل مادية تضايقك..إمسك إيدك حبة وإعقل حبة..

كمان النهاردة انتا مهم تتمشى حبة بس طبعا بعد التراب العالق

ف الجو مايهدى ويصفى مفيش كلام..

دلع نفسك ف فيلم حلو وعشا حلو..تستاهلهم النهاردة جدا..

خصوصا لو متخانقتش طول اليوم مع حد..خصوصا نفسك.

الحظ هزار من الحياة .. مش اكتر .. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان إتحرك من بلد لبلد برضة ف البر لو مكانش في مواقع للنجوم مميزة ف السما يقدر يعتمد عليها..