بطل رفع الأثقال حزين من تجاهل وزارة الرياضة.. ويلمح للرحيل عن مصر

أبدى مصطفى وحيد شعبان لاعب المنتخب الوطني لشباب رفع الأثقال، استياءه الشديد من تجاهل وزارة الشباب والرياضة، لصرف مكافأة الفوز ببرونزية بطولة العالم للناشئين والتي أقيمت يونيو الماضي بجورجيا.

ونشر وحيد رسالة عبر حسابه على "فيس بوك"، أبدى خلالها استياءه من تأخر صرف المكافأة الخاصة به عن إنجاز البرونزية في العام الماضي، مضيفًا أنَّه تحدَّث مع اتحاد رفع الأثقال، والذي أخبره أن الوزارة رفضت صرف المكافأة.

وهدد اللاعب في نهاية تدوينته، بترحيبه بقبول جنسية أي دولة أخرى تمنحه حقه في التألق.

وجاء مضمون رسالة وحيد كالآتي:

"يمكن اكون لاعب صغير محدش مسؤل هيسمع صوتوا ولكن عشمى فى ربنا أكبر من السواد اللى انا شايفه القصه والحكايه مرار طافح وملهاش علاج لما أكون وقفت على منصه تتويج بطولة العالم للناشئين جورجيا 2016 والمكافئه بتاعتها لحد دلوقتى متطلعش ولما أسأل الاتحاد يقولى الوزاره قالت مفيش مكافئة ويعنى نعيش طول حياتنا مستنيين فرصه نثبت وجودنا ولما ربنا يكرمنا ونجيب مداليه يحصل كدا فينا كده هوه انتوا تعرفوا قد ايه أهلنا صرفوا علينا واستلفوا عشان حلم بنحلم بيه نلعب بطولات جمهوريه وعرب وافرقيا ومناخدش فلوس وكمان بطولة عالم ده حلال فينا الموت ولا نشوف دموعنا تنزل مننا وقلة حيله محستش بيها طول عمرى ودلوقتى بالشكل ده تقتلوا كل حب للعبه جوانا عمرنا ضاع فيها ببلاش (حسبى الله ونعم الوكيل فى كل نقطه عرق محدش قدرها ومداليه مخدتش عليها جنيه ويارب اكتبلى اى بلد العب فيها ويعوض تعب سنين عمرى اللى ضاعت منى هدر)".