إزاي تخلص شغلك في مصلحة حكومية؟ - سوبر راجل

El-Omda يناير 6, 2017 BuzzRamet اضف تعليق 156 زيارة

موضوع إنك تنهي أي ورق ليك في مصلحة حكومية دا مش بيعدي بالساهل، لأن دخول المصلحة مش زي خروجها وأكيد انت عارف دا، فالموضوع محتاج نصايح واستعدادات وخطوات لازم تمشي عليها بحذافيرها عشان ربنا ينفخ في اليوم ويعدي بسلام.

اه اليوم دا تصحى بدري زي الشطور كدا وتروح لأنك لو أتاخرت ولا روحت بعد الضهر مش هتلحق تعمل كل حاجة وبالكتير نص الورق هيخلص ويقفلوا الشباك ويقولوا تعالى بكرة.

خُد معاك أي ورق عنك استلمته طوال حياتك، أيوة مهما كان مش مهم في اللي انت رايحه خليه معاك، وبرده بُص بصة على الاحتياجات بتاعتك هناك على النت سواء تجنيد أو ورق بطاقة أو قيد عائلي أو حاجة تبع الشغل ألخ ألخ. متروحش وناقصك حاجة.

اليوم دا لو وراك أي مواعيد ألغيها لأنك في الأغلب ممكن تكمل لأخر اليوم–لحد 3 العصر– في المكان عشان تخلص ورقك.

خليك هادي، ابتسم طول الوقت، واتعامل مع الموظفين بدون خناق أو مشاكل لأن دا هيعطلك وهيعطل مصالح الناس كلها.

خلي معاك فلوس احتياطي زيادة لأن أغلب الأوراق سعرها زاد، وممكن يطلعلك أي حاجة جديدة فخليك في الأمان

كتير مننا بيواجه مشاكل مع ولاده، وبيتعامل بعنف في التعامل معاهم سواء بكلام بايخ أو …