“مواسم” لازم تشتري فيها حاجة لخطيبتك - سوبر راجل

El-Omda يناير 12, 2017 العلاقات اضف تعليق 168 زيارة

إنت بعد الخطوبة مباشرة هتلاقي أكتر من حد يفكرك بموضوع “المواسم” دا، وإنت في الأول هتقول عليها حاجة راجعية ولا مش هأعمل كدا، وعادي أجيب الهدايا بظروفها مش في مناسبات بعينها، بس بعد كدا بتغير رأيك وبتكتشف إنها حاجة مهمة، وإن فيه مشاكل أوقات بتحصل لو نسيت أو نفضت.. عشان كدا احنا بنفكرك بأهم “المواسم” اللي هتعدي عليك وتشتري فيها ايه.

في رمضان لازمن ولابد إنك تجيب ياميش رمضان، يعني متروحش لأهل خطيبتك تفطر وإنت إيدك فاضية، وكل ما الياميش بيكون متنوع وفيها حاجات مختلفة كل ما بتبقى في نظرهم كريم وابن حلال. طبعا الياميش كوم والفانوس اللي هتجيبه لخطيبتك كوم تاني، لأنك لازم تجيبه لأنها هيفرحها وهتتباهى بيه وسط صحابها.

الكحك بقى يا معلم، ايه هتدخل عليهم وإيدك فاضية؟! مينفعش طبعًا لازم تأخدلهم علبة كحك معتبرة كدا، ويفضل تبقى من محل مشهور ومعروف، ونصيحة مننا ممكن تجيب من “بسكو مصر” حاجاتهم نضيفة وماركة معروفة وأسعارهم هي الأنسب ما بين كل الأماكن التانية.

ممكن في العيد الصغير بما إنك جايب كحك وحركات متديش عيدية، رغم أنها واجب يعني، لكن في العيد الكبير بقى هتبقى حوسة لو مخدتش بالك واديت خطيبتك عيدية محترمة كدا عشان بردك تتباهى بيها.. الموضوع كلها إنها تتباهى مش أكتر.

علبة محترمة كدا لحلاوة المولد، ومتنساش العروسة ولو ينفع حصان هات لأن الحاجات دي هتفرح خطيبتك أوي وتخليها منشكحة.

أه بقى موسم هو كمان وحياتك، لازم تخطط إزاي هتقضي اليوم دا معها، وإيه الهدية اللي هتجبهالها في اليوم دا بمناسبة إن سنة جديدة هتبدا وانتوا مع بعض، وفي الأغلب بابا نويل بقى أو شجرة كريسماس أو أي شيء متعلق بالأجواء دي.

لو كنت فاكر نفسك إن بعد الجواز هتعيش برنس في نفسك مرتاح مع حبيبتك والحياة …