سوبر رجالة زاروا مصر - سوبر راجل

SupeRagel ‏أسبوعين مضت BuzzRamet اضف تعليق 39 زيارة

في أكتر من “سوبر راجل” زاروا مصر في الفترة الأخيرة، ودي مش المرة الأولى، لأنه على مدار السنين اللي فاتت كانت فيه أكتر من نِجم وسوبر ستار بيجوا هنا، سواء للفُسحة أو للشُغل، ومواقع التواصل الاجتماعي تتقلب عليهم ويدوروا على مين سعيد الحظ اللي قدر يتصور معاهم.. تعالوا بقى نتعرف على “سوبر رجالة” جُم عندنا.

إمبارح بليل، الراجل البرنس كان في المغرب وقرر يعدي على مَصر، وفعلًا في أقرب طيارة كان عندنا، وراح زار الأهرامات مع الكبير بتاعنا “زاهي حواس”، وقضى وقت لطيف وخد صور وقال كلام زي الفل عن البلد وإنها من الرحلات اللي حبها جدًأ.

مين ميفتكرش زيارة “ميسي” اللي قَلبت الدنيا وكان كل العالم بيتابعها، وإزاي وجوده في الأهرامات كانت مصدر اهتمام ناس كتير، وخاصة صورته مع كبير الغفر بالأهرامات، ثم وجوده في الحفلة الكبيرة اللي اتعملت عشانه وعلاج مرضى فيرس سي في المينا هاوس.

في أكتوبر من سنتين، ملكة البرنسة وصاحب أفضل “فويس أوفر” في الحياة، جيه مصر، خلال زيارته لعدد من الدول عشان يسجل سلسلة وثائقية مهمة تحت اسم “قصة الإله”، وزار وقتها الحسين، ودخل أكتر من مكان أثري، وصور كمان على كوبري قصر النيل.

ملك الرجولة، والفيتنس والحركات العالية، مدرب كمال الأجسام الشهير، وصاحب أقوى تدريبات اللياقة، جيه مصر في 2015، وعمل جولة كبيرة في البلد، وراح الأهرامات وهي الشيء الأساسي اللي لازم كل “السوبر رجالة” يعدوا عليه. وطبعا عمل مفاجأة بأنه رقص على أغنية بُشرة خير.

في 2009، الرئيس الأمريكي السابق باراك أوباما، وهو من الرجالة المهمين جدًا على القاهرة لأنه كان مسؤول عن أهم بلد في العالم، زار مصر، وطلب إنه يشوف الأهرامات، وكالعادة “زاهي حواس” كان معاه، وقال ساعتها إنه أوباما كان لطيف جدًا ومبسوط بالجولة وبكل مكان في الأهرامات. طبعًا الراجل مكنش جاي سياحة.. لأنه قدم خطبة مهمة وقتها للعالم الإسلامي والعربي من قُبة جامعة القاهرة.

بورتو مارينا بالساحل الشمالي، كانت مولعة، لما المغني الأسباني “أنريكي إجلاسياس”، وصل مصر، وعمل حفلة ضخمة في جولف بورتو، في شهر أغسطس 2014. وكان زار مصر قبلها بكام سنة بس دي كانت أكتر زيارة سمعت ليه. وأنريكي من الرجالة اللي منيمة نُص البنات من المغرب، معروفة يعني.

انريكي وهو متصور مع محمد كريم عادي

دا بقى راجل راجل يعني، وصل مصر في ديمسبر 2011، وعمل قلبان لأنه بكل بساطة نزل في الشوارع وفضل يتصور مع الناس بدون ما حد ياخد باله إنه النجم الكبير، ولما سافر بلدهم نزل الصور والدنيا كلها كانت بتتكم عنه. وهو من أهم الرجالة في العالم مفيش شك.

في 2013، زارنا بقى أخف وألذ وأمز راجل في الدنيا، المذيع الساخر “جون ستيورت”، وصل إلى أرض الوطن-وطنا يعني-، خدله كام لفة ثم الظهور العجيب الجميل البديع في برنامج “البرنامج” مع باسم يوسف حيث الضحك والانبساط. خطوة عزيزة يا معلم.